Psixologiya kafedrasi umumiy pedagogika nazariyasi va amaliyoti

Laboratoriya mashg’ulotining maqsadi: talabalarning pedagoglik kasbi va uning o’ziga xosliklariga doir nazariy bilimlarini mustahkamlash hamda ular tomonidan pedagogning shaxsiy va kasbiy sifatlarining o’zlashtirilishiga erishish.

Pedagogik vazifalar: 1. Pedagoglik kasbi bilan bog’liq tushunchalarni va demokratik jamiyatda pedagog rollarining namoyon bo’lishini ajratib ko’rsatish. 2. Sharq va G’arb pedagoglarining pedagoglik kasbiga doir qarashlarini talabalarga taqdim etish va ularni tahlil etishga yo’naltirish. 3. Pedagogning shaxsiy va kasbiy sifatlarini o’zlashtirishga doir amaliy topshiriqlarni taqdim etish va ularni bajarishga doir tushuntirish berish. 4. Talabalarni esse yozishga doir zaruriy ko’rsatmalar bilan qurollantirish.