Psixologiya kafedrasi umumiy pedagogika nazariyasi va amaliyoti

4. “Muammoli vaziyat” metodi talabalarni o’rganilayotgan mavzu bo’yicha muammoli vaziyatlarni tahlil qilish, ularning kelib chiqish sabablari va oqibatlarini o’rganish va yechimlarini topishga undash orqali ularda muayyan ko’nikma va malakalarni shakllantirishga xizmat qiladi. Mashg’ulotlar jarayonida “Muammoli vaziyat” metodini qo’llash quyidagi tartibda amalga oshiriladi: 1) mavzu yuzasidan muammoli vaziyatlarni shakllantirish; 2) muammoli vaziyat mazmuni bilan talabalarni tanishtirish; 3) talabalarni kichik guruh yoki juftliklarga ajratish; 4) guruh yoki juftliklarning muammoli vaziyat yechimini topish bo’yicha amaliy faoliyatni tashkil etishlari; 5) guruh yoki juftliklar tomonidan muammoli vaziyat yuzasidan o’z yechimlarini bayon qilishlari; 6) guruhlar yoki juftliklarning yechim borasidagi fikrlarini umumlashtirish; 7) guruhlar yoki juftliklar tomonidan taqdim etilgan yechimlarning maqbullik darajasini o’rganish (ommaviy muhokama qilish yoki ekspertlar muhokamasidan o’tkazish); 8) eng to’g’ri, maqbul yechimni aniqlash.