Psixologik trening

 
“Mening maktubim” trening mashg’uloti. 

---

228 
Mashg’ulot tavsiya etiladigan holatlar: guruhiy psixokorreksion faoliyatda 
hamda individual psixokorreksion faoliyatda qo’llanilishi mumkin bo’lib 
shaxslararo munosabatlarni, oilaviy munosabatlar va farzand hamda ota-ona 
munosabatlarida yuzaga kelgan buzilishlarni korreksiya qilish, nizoli 
vaziyatlarni bartaraf etishda.
Farzand va ota-ona munosabatlarini korreksiya qilishda qo’llanilishi. 
Korreksiya ob’ektlari o’quvchi va ota yoki onasi bo’lib, ular alohida-alohida 
xonalarda o’tirishlari, verbal muloqot uchun sharoit bo’lmasligi maqsadga 
muvofiq bo’ladi. Ularning har biriga A4 qog’oz va ruchka beriladi, Varaq 
tepasiga “(Farzandimga/Onamga tarzida) Mehr xati” deb sarlavha qo’yib shu 
sarlavha asosida ular bir-birlariga maktub yozishlari kerak. Maktublar yozib 
bo’lingach psixolog maktublarni ularga eltib beradi. Maktub kamida 3 marta 
almashinishi kerak, toki tomonlarda insayd yuzaga kelmaguncha. Maktub 
mazmuni pozitiv va o’zaro tushunish ko’nikmalari asosida yozilganligini 
ko’rsatsa, psixolog tomonlarni bir xonada uchrashtirishi mumkin. Eslatma: 
psixolog muntazam tomonlarning destruktiv bildirgilarini, so’zlarini va bir-
biriga qo’yadigan shart hamda ultimatumlarini adekvat talqin qilib turishi lozim. 
Psixolog o’rtada 100% betaraf inson sifatida qatnashishga harakat qilishi hamda 
har bir xulq-atvorni psixologik tahlil va talqin qilishga yordam berishi kerak. 
Shuningdek, vaziyatga qarab shaxsga o’z xulq-atvori motivlari va oqibatlarini 
anglashga yordam berishi ham maqsadga muvofiqdir.
Guruhda o’quvchilar orasidagi destruktiv munosabatlarda qo’llanilishi. 
Bunda o’zaro urushib qolgan, kelishmaydigan yoki ajralib qolgan o’quvchilar 
o’rtasida yuqoridagi jarayon guruh va o’quvchi, o’quvchi va o’quvchi tarzida 
ham o’tkazish mumkin.
Oila ichida destruktiv shaxslararo munosabatlarda qo’llanilishi. Endigi 
holatda yuqoridagi jarayon oila a’zolari va o’quvchi yoki bitta oila a’zosi va 
o’quvchi tarzida ham o’tkazilishi mumkin