Психологнинг йиллик иш режаси

6. Бола психикасининг ривожланишининг асосий йўналиши ва тавсиялар

Кузатув дафтариини юритиш йўриқномаси

Кузатув дафтари Ўзбекистон Республикаси Мактабгача таълим Вазирлигининг 2018 йил 15 августдаги “Давлат мактабгача таълим муассасаларининг

иш ҳужжатлари тўғрисида”ги 183 – сонли буйруғи асосида ташкил этилиб, мактабгача таълим муассасаси психологининг 05-02 рақам билан юритиладиган меъёрий хужжати хисобланади. Мазкур дафтарнинг сақланиш муддати 1 йил.
Кузатув дафтари мактабгача таълим муассасаси тарбияланувчилари учун гуруҳлар кесимида юритилади. Унда боланинг машғулотлар ва ўйинлардаги (ёки байрам тадбирларидаги ) муносабатининг салбий ёки ижобий характерини ўрганиш ҳар икки ойда (октябрь, декабрь, феврал, апрель, июль ойларида) кузатув усули орқали амалга оширилади. Кузатув жараёнида боланинг машғулот ва ўйинлардаги муносабати билан биргаликда унинг иқтидор қирралари, нотинч, муаммоли томонлари, агрессия белгилари аниқланиши мумкин (*Кузатув натижаси бандида қайд этилади). Кузатув натижаларига кўра, психолог тарбиячи билан биргаликда боланинг машғулотдаги ёки ўйиндаги салбий муносабати ва аниқланган муаммолар юзасидан индувидуал иш олиб боради. Иқтидорли болалар билан алоҳида машғулотлар, танловлар ташкил қилинади.
Кузатувни амалга оширишда қуйидагиларга эътибор қаратилади:
-бир соат машғулот ёки ўйин давомида 7-10 нафар тарбияланувчини объектив кузатиш мумкинлиги(ҳар бир гуруҳда 25-30 нафар тарбияланувчи борлигини инобатга олиб, 2-3 кун давомида кузатув олиб бориш)га;
- маълумотлар ишончли бўлишини таъминлаш мақсадида кузатув болалар учун одатий шароитда бўлиши лозимлиги;
-психолог бола ҳақидаги маълумотни гуруҳ тарбиячиси ва ота-онаси билан суҳбатлашиши, боланинг фаоллиги, қизиқишлари, ўзига хос хусусиятларига эътибор қаратиши лозим.
Кузатув олиб борилган натижалар ижобий бўлса “+” белгиси;
ўртача бўлса “+?” белгиси;
салбий бўлса, “-“ белгиси орқали қайд этилади.
Қўшимча маълумотлар бўлса, *кузатув натижаси бандида ёритилиши мумкин.
Кузатув сўнгида гуруҳдаги тарбияланувчилар сони, кузатилган ва кузатилмаган тарбияланувчилар сони қайд этилади. Бу маълумотларни қайд этиш кузатилмай қолган тарбияланувчиларни кейинги кунда кузатиш имконини беради.
Дафтар тикилган, рақамланган, муассаса раҳбари томонидан имзоланган ва муҳрланган бўлиши лозими.