Психологик тренинг машғулотлари Кафтадаги тилаклар Керакли ресурслар

Электр симли тўсиқ
Мақсад: жамоавийликни ҳамда жамоавий қарор қабул қилиш кўникмасини шакллантириш, ўзаро ишончни уйғотиш.
Керакли ресурслар: арқон боғлаш мумкин бўлган ораси 2-4 метр бўлган 2 та ёғоч устун (ёки дарахт бўлгани мақсадга мувофиқ) ва 15-20 метрли арқон.
Жараён: тренер аввалроқ иккита устунга арқонни шундав боғлаб қўйиши керакки, унда (унинг орасидан ёки устидан) иштирокчилар бировнинг ёрдамисиз ўта олмаслиги керак. Бунда арқон етарлича (сакраб ўтиб кетиш мумкин бўлмаган даражада) баланд ва чигал тарзда боғланади. Сўнгра иштирокчиларга шундай шарт қўйилади. Улар бир бирларига ёрдам бериб арқонга тегиб кетмай тўсиқнинг нариги томонига ўтиб олишлари керак. Ўтиш жараёнида иштирокчилар бир бирларига яқин ва тегиб алоқа занжирини сақлаб ҳам туришлари лозим. Шунингдек, иштирокчиларга бу арқон эмас 2000 волт элктр токи ўтиб турган сим деб установка берилиши лозим. Агар иштирокчилардан кимдир алоҳида бўлиб бошқаларга тегмай алоқа занжирини узиб турса ёки ўтиш жараёнида кимдир арқонга тегиб кеца ўйин бошидан бошланиши лозим. Лекин, иштирокчиларнинг ёши, кучи, малакасини ҳисобга олиб “електр сим”га енгил тегиб кетиш ҳолатларини 2-3марта эътиборга олмаса ҳам бўлади. Иштирокчиларга бу ишни уддасидан чиқишлари учун (уларнинг сонини инобатда олиб) 10 дан 25 дақиқагача вақт берилиши ҳам керак. Бу иштирокчиларнинг масъулият асосида тезроқ ҳаракат қилишларини ҳам таъминлайди.

Хатарли ботқоқликдан ўтиш
Мақсад: жамоавийлик ҳамда жамоавий қарор қабул қилиш кўникмаларини шакллантириш.
Керакли ресурслар: иштирокчилар сонига қараб 15 ёки 20 та А4 форматдаги оқ қоғоз.
Жараён: варақлар ерга 30см оралиқ масофа қолдириб бир қатор қўйиб чиқилади. Ва иштирокчиларга қуйидагича шарт қўйилади. "Ердаги варақлар ҳарсанг тошлардир, улардан ташқари бошқа ер эса хатарли ботқоқликдан иборат. Улар яшаб қолишлари учун албатта ушбу ботқоқликнинг нариги томонига ўтиб олишлари шарт. Бунда улар ботқоқликдан бир-бирларини қўлларини ушлашиб (узилмай), “тошларни” (яъни қоғозларни) босиб ўтадилар. Энг муҳими, улар ўтаётганларида бир бирини қўйиб юбормаслиги, бир вақтнинг ўзида битта иштирокчининг оёқлари битта варақда туриб қолмаслиги (яъни доим бир иштирокчининг икки оёғи иккита “тош” устида бўлиши), варақларнинг биронтаси ҳам бўш қолиб кетмаслиги талаб этилади. Агар ушбу талаблар бузилса, жамоа яна ортга қайтиб, шартни бошидан бошлаши лозим. Жамоа юқоридаги талаблар доирасида “ботқоқликнинг” нариги томонига ўтиб олса, шарт бажарилган ҳисобланади ва ўйин якунланади. Ўйин давомида иштирокчилардан иложи борича рационал ва ижодкорона ёндошиш сўралади.