Психологик тасвирлар ва сиз…

Яшил ранг

• Табиат,тириклик, ҳаёт ва баҳор рамзидир. Бу рангни яхши кўрадиганлар. Ер юзидаги барча тирик мавжудотларни яхши кўришади. Улар билан бўйруқ оҳангида гаплашишларини, шу билан бирга – уларнинг ишларига аралашганларни ёмон кўрадилар. Яшил рангни хуш кўрадиган одамлар ҳаётда ўз ўрнини топишга интилувчан бўладилар. Яшил ва унга яқин рангларни ёқтирмайдиганлар ҳаётдаги барча қийинчиликлардан қўрқиб яшайдилар.

Сиёҳ ранг

• Ҳис-ҳаяжонларини яшира олмайдиган, таъсирчан, шу билан бирга маънавий даражаси юқори бўлган инсонларга хосдир. Бу рангни ёқтирмайдиганлар эса илтимос қилишни хушламайдилар. Улар ҳамма ишни ўзлари бажаришга ҳаракат қиладилар.

Қизил ранг

• Ўзининг кучига ишонувчан, иродали, ҳеч нарсадан қўрқмайдиган, эгалик қилишга интиладиган ва шу билан бирга жизакки, тез жаҳли чиқадиган феъл-атворли инсонларга хосдир. Бу рангни ёқтирмайдиганлар эса кўпинча ўзига ишонмайдиган, ҳар доим ҳам язши муносабатлар ўрната олмайдиган, фақат яккаликни язши кўрадиган бўладилар.

Сариқ ранг

• Бу ранг орасталик, маданиятлилик, инсонлар билан муомалада ўзини эркин ҳис қиладиган инсонларнинг феъл-атворидан дарак беради. Бу рангни ёқтирадиганлар ҳар нарсага қизиқадилар, одамлар билан тез тил топиша оладилар. Улар шароитга тез кўникучан бўлиб, бировларга ёқишни ҳам, бошқаларни ўзларига жалб қилишни ҳам хоҳлайдилар. Бу рангни ёқтирмайдиганлар келажакка ишонмайдиган, янги танишлар орттиришни хуш кўрмайдиган инсонлардир.

Жигар ранг

• Бу ва шунга яқин рангларни севувчилар хаёл суриб осмонда учиб юрмасдан ерда мустаҳкам турадилар. Улар барча нарсага ўз кучлари ва меҳнатлари билан эришадилар. Бу рангни яхши кўрадиган инсонлар оила ва урф-одатларни барча нарсадан устун қўядилар. Аксинча бу ранги ёқтирмайдиганлар эса фақат ўзини ўйлайдиган, одамлар билан чиқиша олмайдиган инсонлардир.

Пушти ранг

• Бу рангни ёқтирадиганлар ҳаётда, келажакка, барчага ғамхўрлик қилишга интиладилар. Уларнинг кўнгиллари нозик бўлиб, арзимаган нарсаларга ҳам сиқилишлари мумкин.