Профессионал таълим

86	56
30
1.3	Туғруқнинг кечиши, клиникаси ва уни бошқаришда фельдшер-акушер ёрдамчиси	Амалий машғулот туғруқ мажмуаининг туғруқ блокида ўтказилади.Туғруқ мажмуаида ўқувчилар ҳомиладор ва туғувчи аёлни қабул қилишни, туғруқ тарихининг паспорт қисмини тўлдириш ва қабул қилинганлиги ҳақида дафтарга қайд этишни ўрганадилар. Ўқувчилар туғруқнинг биринчи даврида артериал қон босимини ўлчашади, пульсни санашади, ҳомиланинг юрак уриши эшитиб кўришади ва туғруқ фаолиятига баҳо берадилар. Туғруқнинг иккинчи даврида туғруқни бошқариш ва қабул қилишда акушеркаларга ёрдам беришади. Иссиқлик занжирини сақлашда ва болани бирламчи артиб-тозалашда иштирок этишади. Янги туғилган чақалоқнинг умумий ҳолати Апгар шкаласи бўйича баҳолашни ўрганадилар. Ўқувчилар туғруқнинг учинчи даврида АҚБ ўлчаш, пульсни санаш, плацента ажралганлиги белгиларини аниқлашда, туғилган планцентанинг бутунлигини текширишда, туғруқда йўқотилган қон миқдорини аниқлашда қатнашадилар. Машғулот туғруқ мажмуада чилла даври бўлимида ўтказилади: ўқувчилар чилла даври бўлими, палаталарнинг тартиб-қоидалари билан танишадилар. Туққан аёларни парваришлашда қатнашадилар. Кўкракни кетма кет тутишни аҳамияти тўғрисида суҳбатлар ўтказишади. Шифокор томонидан ўтказиладиган текширувда иштирок этишади, кўрсатмаларни ёзиб боришади, туққан аёлларни кўрикдан ўтказишади, шифокор кўрсатмасини бўлим акушери билан биргаликда бажаришади. Сут безларини парвариш қилиш, сутни соғиб олишни ўрганишади. Кўкрак учи ёриқларини ва маститни даволашда ҳамда чилла даври гимнастикасини ўтказишда иштирок этишади. Ўқувчилар чилла даври бўлимидаги туқкан аёллар билан «туғруқдан сўнгги давр гигиенаси», «сут безларини парвариш қилиш» мавзуларида суҳбатлар ўтказишади. Машғулот септик касалликларини даволашга ихтисослаштирилган алоҳида махсус палаталарида ўтказилади. Ўқитувчи ўқувчиларга умумий парвариш ва махсус боксларнинг иш қоидалари билан таништиради. Бунда асосий эътиборни туғруқ мажмуаи шароитида чилла даври касалликлари, профилактикаси, туғруқ мажмуаи санитария тартибини бажаришга қаратиш лозимгини уқтиради.