«применение современных информационно коммуникационных технологий в проведении реформ в новом узбекистане»

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
400 
xildagi ma’lumotlar, shuningdek, ularni tasdiqlovchi ma’lumotnomalarni ham 
elektron ko‘rinishda olishlari mumkin. 
Interaktiv xizmatlardan foydalanish tizimi joriy etibgandan so‘ng davlat 
organlari faoliyatining shaffofligi va ochiqligi ancha ortdi, davlat organlari 
xizimatlaridan foydalanish kengaydi va osonlashdi, ularni alohida fuqarolarga 
taqdim etish imkoniyati vujudga keldi, fuqarolarni siyosiy jarayonlarga va davlat 
boshqaruviga jalb etish imkoniyati yuzaga keldi, axborotlardan foydalanish va ularni 
almashish tezlashdi, davlat xizmatlarini aholi va biznes vakillariga taqdim etish 
optimallashdi, fuqarolarni o'z-o'ziga xizmat qilish imkoniyati paydo bo'ldi, shu bilan 
birga, barcha foydalanuvchilarga davlat xizmatlarini taqdim etish bilan bog'liq 
boshqa afzalliklar va qulayliklar taqdim etildi.
Hozirgi vaqtda, davlatimiz tomonidan interaktiv xizmatlarni shakllantirish, 
tashkil etish va ularni boshqarishga katta e’tibor berilmoqda. Bugungi kunda 
hukumatimiz tomonidan “Yagona interaktiv davlat xizmatlari portali” (my.gov.uz 
veb-sahifasi) o‘z faoliyatini aktiv holatda olib bormoqda. Interaktiv xizmatlarni 
tashkil etishning eng tez va yaxshi yo‘li, bu ularni internet tarmoqlari orqali amalga 
oshirish hisoblanadi.
Internet tarmog‘i orqali ko‘rsatiladigan interaktiv xizmat turlariga quyidagilar 
kiradi:
- foydalanuvchilar (fuqarolar) to‘g‘risidagi dastlabki va asosiy ma’lumotlarni 
olish xizmatlari; 
- foydalanuvchilarning ijtimoiy-iqtisodiy holati haqidagi ma’lumotlarini olish 
xizmatlari; 
- foydalanuvchilarga turli xildagi ma’lumotlarni yangi ro‘yxatdan o‘tkazish 
xizmatlari; 
- va boshqa turdagi xizmatlar. 
Bunda nafaqat jismoniy shaxslarga ko‘rsatiladigan xizmatlar, balki ularga 
mos ravishda yuridik shaxslarga ham ko‘rsatilishi mumkin bo‘lgan xizmatlar ham 
mujassamlashtirilgan. Shu asnoda, bugungi kunda yagona portal orqali 
foydalanuvchilarga 220 dan ortiq xizmatlar taqdim etilmoqda. 
Yana bir juda muhim va dolzarb masalalardan biri hisoblangan interaktiv 
xizmatlarning ma’lumotlar omboridagi barcha axborotlarning xavfsizligini 
ta’minlash hisoblanadi. Axborot xavfsizligini ta'minlash markazining asosiy 
maqsadi esa interaktiv xizmatlar tizimi ma'lumotlar ombori, resurslari va axborot 
tizimlari kompleksining axborot xavfsizligini ta'minlash, davlat organlarining 
tegishli resurs va tizimlarining axborot xavfsizligi siyosatini ishlab chiqish va 
amalga oshirishga ko'maklashish, interaktiv xizmatlar tizimining axborot 
xavfsizligini ta'minlash sohasidagi me'yoriy-huquqiy bazani rivojlantirish, 
shuningdek, milliy internet segmentini takomillashtirish borasida ishlarni amalga 
oshirishdan iborat bo‘lib hisoblanadi.
Mazkur muammolarni bartaraf etish maqsadida kiberxavfsizlik asoslariga 
asoslanib, ko‘plab soha mutaxassislari ishtirokida davlat normativ hujjatlariga 
tayangan holda zarur ishlar olib borish maqsadga muvofiq hisoblanadi. 

---