«применение современных информационно коммуникационных технологий в проведении реформ в новом узбекистане»

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
291 
ТАЪЛИМНИ БОШҚАРИШ ТИЗИМЛАРИ МАЪЛУМОТЛАРНИ 
ИНТЕЛЕКТУАЛ ТАҲЛИЛ ҚИЛИШНИНГ ВЕБ СЕРВИСЛАРГА 
АСОСАЛАНГАН СТРУКТУРАСИ. 
Мўминов Баҳодир Болтайевич 
Муҳаммад ал-Хоразмий номидаги Тошкент ахборот технологиялари 
университети информатика асослари кафедра мудири. 
Искандаров Санжар Қувондиқович 
Муҳаммад ал-Хоразмий номидаги Тошкент ахборот технологиялари 
университети информатика асослари кафедра таянч докторанти 
Data Mining техникасини таълим соҳасидаги маълумотларда қўллаш
"Educational Data Mining (EDM)" деб номланади. EDM дастурлари талабалар 
ёки ўқитувчиларнинг иш фаолиятини баҳолаш ва башоратлашда, тавсиялар ва 
таклифларни ишлаб чиқишда ишлатилади. Data Mining ёрдамида ўқувчиларга 
янада самарали ва самарали ўрганишга ёрдам берадиган кўплаб тавсиялар 
бериш учун фойдаланиш мумкин. 
Educational Data Mining тадқиқотчилар ва амалиётчилар учун қизиқарли 
имкониятларга яратадиган майдон ҳисобланади. Ушбу соҳа олий ўқув 
юртларига самарадорлик ва талабалар билимини оширишнинг самарали 
усуллари билан ёрдам беради. Data Mining ташкилотларга қарорларни қабул 
қилишни яхшилашда ёрдам берадиган ва катта миқдордаги маълумотлар 
орасида янги қонуниятлар ва муносабатларни таҳлил қиладиган муҳим восита 
ҳисобланадиp[1,2]. 
Таълим тизимидаги йиғилган маълумотларни интелектуал тахлил 
қилиш орқали тавсиялар ишлаб чикиш асосида илмий изланишлар олиб бориш 
ҳозирги кунда етарли даражада ўрганилмаган. Тизимги маълумотларни таҳлил 
қилишда алоҳида илова ишлаб чиқиш мумкин. Бу иловага маълумотлар 
дастурий интерфейс (API) орқали амалга оширилади[3]. 
Маълумотларни интеллектуал таҳлил қилиш учун ишлаб чиқилган усул 
MapReduce freamwork асосида веб сервис кўринишида ифодалаш мумкин. 
Тизим фойдаланувчилари маълумотларини таҳлил қилиш учун MapReduce 
асосида усул лойиҳаси ишлаб чиқилгандан кейин уни сервис кўринишида 
шакллантириш мумкин.
Юқорида маълумотларни таҳлил қилиш учун Mapreduce freamwork 
асосида ишлаб чиқилган усулларни сервис сифатида шакллантириш учун 
унинг cloud тизимидан фойдаланамиз. Бу яратилган сервисдан ихтиёрий 
мухитда фойдаланиш имконини беради.
Таълим жараёнида тўпланадиган маълумотлар ҳам вақтга боғлиқ бўлиб 
ўсиб боради. Талаба ўқишга кириши билан унинг статик маълумотлари 
тизимга киритилади. Бундан ташқари таълим жараёнида уларнинг 
топшириқларни, назорат топшириқлари ва турли ҳодисаларидан динамик 
маълумотлар йиғилади. 

---