«применение современных информационно коммуникационных технологий в проведении реформ в новом узбекистане»

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
285 
ЭЛЕКТРОН ҲУЖЖАТ АЙЛАНИШ ТИЗИМЛАРИНИНГ 
САМАРАДОРЛИГИ ОШИРИШ 
Мўминов Баҳодир Болтаевич, 
техника фанлари доктори, профессор, Муҳаммад ал-хоразмий номидаги 
Тошкент ахборот технологиялари университети. Тошкент, Ўзбекистон 
Даулетов Адилбек Юсупбаевич, ассистенти 
Муҳаммад ал-хоразмий номидаги Тошкент ахборот технологиялари 
университети. Тошкент, Ўзбекистон. 
Рўзиева Гулшаҳархон Ғуломовна, ассистенти 
Муҳаммад ал-хоразмий номидаги Тошкент ахборот технологиялари 
университети. Тошкент, Ўзбекистон. 
Сўнгги йилликлар мобайнида электрон ҳужжат айланиш тизимлари 
(ЭҲАТ) бутун дунёдаги ташкилотларнинг фаолиятига сезиларли таъсир 
кўрсатди. Шахсий компьютерларнинг пайдо бўлиши, маҳаллий ва корпоратив 
тармоқларни яратиш, “мижоз-сервер” технологияси фойдаланиш ва Интернет 
тармоғи ташкилотларга ташкилий тузилмаларда бошқарув қарорларини 
назорат қилиш ва сифатини сезиларли даражада ошириш, молиявий ва 
иқтисодий фаолиятни режалаштиришни юқори сифатли даражага олиб 
чиқишга имкон берди. Жамиятнинг равнақ топиши ундаги ташкилотларнинг 
ўзаро боғликлиги, интеграция ва уларда ахборотларнинг ўзаро ишончли, 
тезкор таъминланганлигига боғлиқ. Жаҳондаги юқори брендли ташкилотларга 
ҳужжатларнинг айланиш тизимлари кенг жорий қилинмоқда[1,3,5]. 
Ўзбекистон Республикаси Президентининг 2020 йил 28 апрелдаги 
«Рақамли иқтисодиёт ва электрон ҳукуматни кенг жорий этиш чора-
тадбирлари тўғрисида»ги ПҚ-4699-сон Қарорини жорий қилиш дастури ва 
чора тадбирлари мавжуд. Дастурда илм, маърифат ва рақамли иқтисодиётни 
ривожлантириш йўлида амалга ошириш керак бўлган вазифаларга мувофиқ 
ҳамда иқтисодиёт тармоқлари ва давлат бошқаруви тизимига замонавий 
ахборот технологияларини кенг жорий этиш ва телекоммуникация 
тармоқларини кенгайтириш вазифалари қўйилган[1]. Бу амалий чора 
тадбирларнинг ривожланиши жуда тезкор амалга ошириб, айниқса 
давлатлараро ҳужжатларни электрон шаклда алмашиш тизимлари илмий ва 
амалий масала сифатида ўрганилмоқда. Бу масала доирасида бир нечта турли 
соҳага оид масалалар мавжуд. Масалан: 
1.
Норматив-ҳуқуқий таъминотни яратиш. 
2.
Ахборот тизимини яратиш. 
3.
Маълумотларнинг оқимини таҳлил ва бошқаруви. 
4.
Маълумотларни сақлаш ва ишлов бериш. 
5.
Ахборот хавфсизлиги сиёсати ва таъминоти. 
6.
Ҳужжатларни 
синфлаштириш, 
ҳужжат 
айланишини 
ташкиллаштириш ва ҳужжатлаштириш тизимларини қуриш. 

---