Президент таълим муассасалари агентлигининг Сурхондарё вилояти бўлими

Президент таълим муассасалари агентлигининг Сурхондарё вилояти бўлими

Президентимизнинг 2022 йил 14 апрелдаги ПФ-106-сон фармонига мувофиқ Президент таълим муассасалари агентлигининг Сурхондарё вилояти бўлими ташкил қилинди.

Шунингдек, мазкур Фармонда 2022-2024 йиллар давомида Сурхондарё вилоятида жами 18 та, шулардан 3 та ихтисослаштирилган мактаб-интернатлари ҳамда 15 та ихтисослаштирилган мактаблар ташкил этиши белгилаб берилган.
2022-2023 ўқув йилида вилоятда 15 та ихтисослаштирилган мактаб ҳамда 1 та ихтисослаштирилган мактаб интернати учун туман ва шаҳарлар кесимида жами 22 минг ўқувчи ҳужжат топширган бўлиб, улардан 5568 нафар иқтидорли ўқувчилар саралаб олинди. Ушбу мактаблар учун директорлар, профессор-ўқитувчилар ҳамда маъмурият ходимлари жорий қилинган тартиблар асосида танлаб олинган.
Ҳозирда вилоят ҳокимлиги ҳамда ҳудудий бўлим билан биргаликда жорий 2022-2023 ўқув йили учун Президент таълим муассасалари агентлиги тасарруфида ташкил этилаётган ихтисослаштирилган мактаб ва мактаб-интернатларда таьмирлаш реконструкция ишлари амалга оширилмоқда. Шу билан бир қаторда, янги ўқув йилига тайёрлаш ва ташкил этиш ишларини олиб бормоқда.