Prezident maktablari haqida ko’p so’raladigan savollarga javoblar

9. Mantiqiy savollar ham ingliz tilidami, farzandlarimiz uchun qiyin bo’lmaydimi?
Javob: Kirish imtihonidagi mantiqiy savollar o’zbek, ingliz va qoraqoloq tillarida bo’ladi.
10. Qabul jarayoni qanday bo’ladi, 2022-2023-o‘quv yilida faqat 5-sinflar uchun tashkil etiladimi?
Javob: 2022-2023-o’quv yilida 14 ta hududda Prezident maktablariga 5-sinflar kesimida hujjatlar qabul qilinadi. Har bir sinfga 12 nafar o’quvchidan 2 ta sinf tashkil qilinadi.
11. 10-11 sinflar uchun o’quv jarayoni qanday bo’ladi?
Javob: Prezident maktablarining 10-11 sinf o’quvchilari asosan o’zlari tanlagan yo’nalish bo’yicha bilim olishadi va shu bilan birgalikda STEAM fanlarini ham chuqur o’rganishadi.
12. STEAM ta’lim nima uchun tanlangan?
Javob: Prezident maktablarida STEAM-ta’limi (Science-tabiiy fanlar, Technology-texnologiya, Engineering-texnik ijodkorlik, Art-san’at, Mathemtics-matematika) fanlarini chuqur o’qitish uchun tanlangan. President maktablarining 9-11 sinflarida o’qitish o’quvchilarning qiziqishlari va qobiliyatlari inobatga olgan holda ayrim fanlar va ularni o’rganish darajasini tanlab olish orqali o’quv jarayonini individuallashtirish ko’zda tutilgan. Asosiy darslardan tashqari, sinfdan tashqari amaliy mashg’ulotlar o’tkazish lo’zda tutiladi.
13. Prezident maktablari bitiruvchilariga qanday diplom va attestatsiya beriladi?
Javob: Prezident maktablari bitiruvchilariga belgilangan tartibda davlat tomonidan tasdiqlangan ma’lumot to’grisidagi hujjat (attestat) bilan birgalikda xorijiy mamlakatlarning etakchi oily darajadagi muassasalarga kirish imkonini beruvchi xalqaro darajadagi tegishli dastur (diploma of International Baccalaureate, Advanced Placement, yoki International Advanced Levels) beriladi.
14. Farzandlar qiynalib qolmasligi uchun o’zbek tilida so’zluvchi ustozlar ham bo’ladimi?
Javob: Prezident maktablarida STEAM fanlar ingliz tilida olib boriladi. Tarix, geografiya, milliy g’oya, ona tili va adabiyoti, jismoniy tarbiya fanlar o’zbek, qoraqolpoq va rus tilida tilida olib boriladi.