Possibilities of using the retrospective aspects of the state policy on crafts

Zulfiya Khamidova, Oygul Okhunova

Tashkent State University of Economics

POSSIBILITIES OF USING THE RETROSPECTIVE ASPECTS OF THE STATE POLICY ON CRAFTS

Abstract: In this study, the author has tried to assess and analyze the specific features of Amir Temur and his economic policy on the development of handicrafts from today's point of view. At the same time, on the basis of available sources on this topic, comparing the activities and types of handicrafts from the point of view of the two periods, reveals the peculiarities of the current use of the economic policy of the great Sahibkiran in the development of handicrafts. In doing so, he used historical and logical as well as methods of analysis and synthesis.
Keywords: XIV-XV centuries, Movarounnahr, Amir Temur, Samarkand, craftsman, types of handicrafts, production, trade relations.

KИРИШ

Бугунги глобаллашув ва юксак технологиялар даврида ҳунармандчиликка шунчаки ўтмиш ёдгорлиги сифатида қарамай, унинг тарихий асосларини ўрганиш, давлат ва жамият томонидан кенг қўллаб- қувватлаш долзарб масалалардан бири ҳисобланиб, халқаро доирада бу масалага илмий ва амалий жиҳатдан ёндашув тубдан ўзгармоқда. Иқтисодий жиҳатдан ривожланган мамлакатларда кичик доирада ишлаб чиқариш фаолиятини рағбатлантириш имкониятига эга шаҳарларни ижтимоий- иқтисодий жиҳатдан барқарорлаштиришда ҳунармандчилик алоҳида аҳамиятли соҳа сифатида қаралиб, шунингдек, ривожланаётган мамлакатлар миллий иқтисодиётининг мустаҳкамланишига ҳисса қўшувчи маҳаллий маҳсулотлар экспортини кўпайтириш манбаи сифатида қаралмоқда. Қизиғи шундаки, ривожланаётган мамлакатларда кўплаб ҳунармандлар давлат
томонидан етарлича эътибор берилмаганлиги сабабли ўз фаолиятларини тўхтатаётган бир пайтда ривожланган мамлакатларда кўплаб ёшлар ҳунармандчиликка инқироздан кейинги даромад олишнинг ноёб манбаи сифатида қарамоқда [1].
Мамлакатимизда миллий ҳунармандчилик ва уни ривожлантириш бўйича юксак салоҳиятга эга бўлиб, миллий-тарихий аҳамиятга эга бўлган ҳунармандчилик турларини сақлаш, қайта тиклаш, шунингдек, салоҳиятли ёшларни кўпроқ жалб қилиб, нафақат бу соҳанинг давомчиларини шакллантириш балки, аҳоли бандлигини ҳам таъминлашда ўзини оқлаган бой тарихий тажрибалардан фойдаланишни давр тақозо қилмоқда. Ўзбекистон Республикаси Президенти Ш.М.Мирзиёев таъкидлаганидек:”… Бу ҳақда сўз юритганда, айтиш лозимки, биз улуғ боболаримизнинг муносиб давомчилари бўладиган етук инсонларни тарбиялаш масаласига, афсуски, етарлича аҳамият бермадик. Ҳолбуки, интеллектуал ва маданий салоҳиятнинг қандай ноёб бойлик экани, нодир талант эгаларини тарбиялаб камолга етказиш ҳал қилувчи аҳамиятга эга эканини унутишга ҳаққимиз йўқ. Ривожланган мамлакатлар бугунги юксак тараққиёт даражасига айнан шунинг ҳисобидан етгани – бу ҳам ҳақиқат” [2].
Бугунги кунга қадар иқтисодчи олимлар томонидан юртимизда турли тарихий босқичларда давлатни бошқарган ҳукмронлар, хусусан Амир Темурнинг ҳунармандчилик фаолиятини ривожлантириш борасидаги олиб борган иқтисодий сиёсати алоҳида тадқиқот сифатида кўриб чиқиш, унинг ҳунармандчиликни қўллаб-қувватлаш борасидаги олиб борган ислоҳотларининг ўзига хос хусусиятларини илмий тадқиқ этиш ва ундан самарали фойдаланиш зарурияти долзарб масалалардан бири ҳисобланади.