Possibilities of using the retrospective aspects of the state policy on crafts

ТАҲЛИЛ ВА НАТИЖАЛАР

Ҳунармандчилик фаолиятининг ривожланиш тарихига назар ташласак, ихтисослашган меҳнат жамоасининг маълум шакли сифатида жамиятда мавжуд бўлган. У аввал қишлоқ хўжалигидан алоҳида ишлаб чиқариш сифатида пайдо бўлиб, сўнгги 200 йил ичида оммавий ишлаб чиқариш ва механизациялашган фабрика саноатидан фарқли ўлароқ, асосан кичик ҳажмдаги товар ишлаб чиқариш фаолияти сифатида амал қилди [16].

Ҳунармандчилик ривожланишининг даврий босқичлари
Ўзбекистон халқлари ўзларининг ҳунармандчилик санъати тарихида йирик босқичларни босиб ўтган бўлиб, ҳар бир босқич ўзининг минтақавий хусусиятлари билан фарқланади. Шу билан бирга, маҳаллий анъаналарнинг янги асосларда, қўшилиш ва уйгунлашув услубларида тараққий этганлиги кузатилади [17;18;19]. (1-расм)

Ҳунармандчиликнинг пайдо бўлиши ва минтақавий хусусиятларига кўра (Жанубий Туркманистон, Жанубий Ўзбекистон, Фарғона водийси ва бошқа) тараққий этиши

Милоддан аввалги III-II минг йилликларда минтақанинг ўтроқ деҳқончилик воҳаларида дастлаб шаҳармонанд, кейин эса илк шаҳар маданиятига ўтилиши муносабати билан Олд Осиё маданияти билан уйғунлашган Қадимги Шарқ кўринишидаги ҳунармандчилик санъатининг ривож топиши

Милоддан аввалги I минг йилликнинг биринчи ярмида илк давлат уюшмаларининг шаклланиши натижасида қадимги шаҳар марказларида соҳаларга ихтисослашган ҳунармандчилик маҳаллаларининг фаолият кўрсатиши

Милоддан аввалги IV - милодий III асрлар, бу давр санъати Бақтрия, Парфия, Марғиёна ва Хоразм анъаналарига асосланиб шарқий эллинизм анъаналарини ўзида уйғунлаштируачи ҳамда янги кўринишларининг тараққий этиши