Polvonov Polvonning "Turizm nazariya va amaliyot "

2.1.2-jadval
2016 yilda viloyatdagi turoperator firmalari faoliyati haqida ma’lumot¹⁹

№	Turoperator firmalari nomi	Jami sayyohlar soni
1	“Bek Tur” MChJ	9600
2	“Vista Travel” MChJ	1500
3	“Xorasmiya Kavsar” xususiy firmasi	800
4	“Mitra Travel” MChJ	6700
5	“Javhar Hulkar Yulduzi” MChJ	9200
6	“Zuxro Travel” MChJ	12089
7	“Sobir Mirob Tur” MChJ	2250
8	“Golden Ring Travel” MChJ	6547
9	“Xorazm palas” MChJ	2038
10	“Urganch El-Tur” MChJ	3955
11	“Grin Grand Garden” MChJ	3157
12	“Orient Star Xiva” MChJ	2760
13	“Agrota’minot” XK	837
14	“Meros” xususiy firmasi	1292
15	“Xiva Gold Tur” MChJ	2389
16	"Xiva malikasi" MChJ	1995
17	“Nilufar Solixa” xususiy korxonasi	1940
18	“Expert navigator” MChJ	3795
19	“Xorazm ko’hi nur” MChJ	4115
20	“Xiva Shuxrat trans servis” MChJ	2145
21	“Atlas travel agency” MChJ	2554
	Jami turistlarning soni	81658

Ushbu jadvalga asosan, 2016-yilda viloyat bo‘yicha jami 81658 nafar ichki va xalqaro turist tashrif buyurgan. Mazkur ko‘rsatkichlarning yuqori ulushi “Zuxro Travel” MChJ, “Bek Tur” MChJ va “Javhar Hulkar Yulduzi” MChJ kabilarga to‘g‘ri kelgan. Mazkur ko‘rsatkichlarning tarkibida turist bo‘lib tashrif buyurgan xorijiy va O‘zbekiston fuqarolari yotadi. Umuman olganda, turoperator faoliyatida biznes sohasini rivojlantirish turistlarning ehtiyojini qondirish va faoliyatdan mahsulotlar va xizmatlar ishlab chiqarish bo‘yicha daromad olishdan ko‘zlangan faoliyat sanaladi. Natijada, turoperator faoliyatida biznes sohasini rivojlantirishga erishiladi. Buning uchun asosiy yo‘nalishlaridan foydalanish talab etiladi.

2.2. Turoperator faoliyatida biznes sohasini rivojlantirishning asosiy yo‘nalishlari
Turoperator faoliyatida biznes sohasini rivojlantirishning muhim masala bo‘lib hisoblanadi. Biznes sohasini rivojlantirish uchun avvalo, mavjud muhit bo‘lishi kerak. Chunki, turoperator faoliyatida rivojlantirish va ular samaradorligini oshirish uchun samarali biznes va raqobat muhitini yaratish hamda biznes sohasini rivojlantirishga ta’sir qiluvchi omillarni aniqlash lozim. Bu borada mamlaka-timizda bir qator ijobiy ahamiyatga ega bo’lgan ishlar amalga oshirilmoqda. Avvalo, raqobat muhiti xo‘jalik yurituvchi subyektlar, ayniqsa, turoperatorlar bo‘lgan tadbirkorlik subyektlari huquqiy tengligining ta’minlanganligi, tabaqa-lanmagan bir xil iqtisodiy erkinlikning joriy qilinganligi, ularning faoliyatiga turli ma’muriy davlat idoralari aralashuvining bartaraf qilinishiga qaratilgan qonunlar va me’yoriy hujjatlar yaratilganligi va ularning amal qilinayotganlik holati bo‘lib sanaladi.
Shuning uchun ham, turoperator faoliyatida biznes sohasini rivojlantirishning asosiy yo‘nalishlaridan biri raqobat muhitini yaratish bo‘lib, bu muhit shakllangan joyda biznes muhitining ham paydo bo‘lishi va rivojlanishi muqarrar holat sanaladi. Uning yanada ta’sirli va samarali bo‘lishi uchun biznes muhiti ham mavjud bo‘lishi kerak.
Turoperator faoliyatida biznes sohasini rivojlantirishning asosiy yo‘nalishlari bo‘lgan raqobat va biznes muhitini samarali tashkil etish va rivojlantirish o‘z navbatida mamlakatimizda turizm sohasida amalga oshiriladigan tadbirkorlikning yuqori sur’atlar asosida va samaradorlik bilan rivojlanishini ta’minlaydi.
Biroq, bularning rivojlanishi uchun davlatning aralashuvi shart emas. Ammo, ushbu muhitni yaratish davlat iqtisodiy siyosatining muhim qismi bo‘lib hisoblanadi. Mazkur holatlarni respublikamizning mintaqalaridan biri bo‘lgan Xorazm viloyati hududida barcha turoperatorlar tomonidan amalga oshirilgan turistik faoliyatning natijalari bilan izohlash va ko’rib olish mumkin. Chunki, ushbu holarlarni aniq bilib olish turoperator faoliyatida biznes sohasini rivojlantirishning asosiy yo‘nalishlarini aniqlashga yordam beradi.