Pollinoz. Etiologiya, patogenez, diagnostika, zamonaviy davolash usullari va profilaktikasi

Qarshi ko’rsatma: homiladorlik, laktatsiya, 2 yoshga to’lmagan bolalar, preparatga yuqori sezuvchanlik.


Akrivastin – 8 mg kapsula shaklida ishlab chiqariladi. Kattalar va 12 yoshdan katta bolalarga sutkasiga 8 mg dan 3 mahal beriladi.
Nojo’ya ta’siri: uyquchanlik, ye’tiborning pasayishi, ruhiy va harakat reaksiyalarinig pasayishi.
Qarshi ko’rsatma: homiladorlik, laktatsiya, o’kir buyrak yetishmovchiligi, preparatga yuqori sezuvchanlik.


Setirizin (zirtek) – 10 mg tabletka va tomchi shaklida ishlab chiqariladi. Kattalar va 12 yoshdan katta bolalarga sutkasiga 1 mahal 10mg dan beriladi.
Nojo’ya ta’siri: bosh aylanishi, og’iz qurishi, bosh og’rig’i, uyquchanlik, bezovtalik.
Qarshi ko’rsatma: homiladorlik, laktatsiya, buyrak yetishmovchiligi, preparatga yuqori sezuvchanlik.


Ebastin(kestin) 10 – 20 mg tabletka shaklida ishlab chiqariladi. Kattalar va 12 yoshdan katta bolalar preparatni 1 mahal yertalab nonushta vaqtida qabul qilishadi.
Davolash uzoq vaqt davomida, butun xuruj davri mobaynida o’tkaziladi.
Turli allergik kasalliklarni davolashda kortikosteroidlar ham keng qo’llanilmoqda. Pollinozni davolashda kortikosteroidlar boshqa dori moddalar samarasiz hollarda belgilanadi. Ularni qisqa vaqt davomida kichik miqdorlarda qo’llash lozim. Kortikosteroidlarni mahalliy qo’llash ko’proq samarali hisoblanadi. Allergik konyunktivitda gidrokortizon eritmalari yoki gormonli malhamlar qo’llaniladi. Allergik rinitda avamis yoki flutineks aerozol ko’rinishida ishlatiladi. Bu preparatlar kasallikni og’ir xuruj davrida juda yaxshi samara beradi.
Ayrim hollarda faqat yilning aniq bir davrida takrorlanuvchi pollinoz boshqa guruh: uy-ro’zg’orga oid, zamburug’larga oid allergenlar bilan ham asoratlanishi mumkin. Pollinozning bir o’zi (alohida) uchragan hollarda davolash 90 foiz bemorlarda samarali bo’ladi, boshqa allergenlar bilan asoratlangan shakllarda esa davo samarasi kamroq bo’ladi. Birgalikda kechadigan shakllarni davolash o’ziga xos yo’l tutishni talab etadi. Dastlab o’simlik changlarining allergenlari bilan keyinchalik esa boshqa allergenlar bilan davolash tavsiya qilinadi. Bu usul bizning ma’lumotlar bo’yicha eng yuqori samara beradi va juda kam asoratlarga sabab bo’ladi.