Pollinoz. Etiologiya, patogenez, diagnostika, zamonaviy davolash usullari va profilaktikasi

Farmakoterapiya.

Pollinozni o’tkirlashishini davolash yoki o’tkirlashishini oldini olish uchun quyidagi dori vositalari qo’llaniladi.


1) Antigistamin preparatlar
2) Qon tomirlarni qisqartiruvchi dori vositalari
3) Kombinasiyalashgan vositalar
4) Natriy kromoglikat
5) Glyukokortikosteroidlar

Rivojlanish mexanizmlari bo’yicha davolash usullari kasallikning xuruj davrida ham tinch davrida ham qo’llanilishi mumkin. Xuruj davrida, odatda gistaminga qarshi turli preparatlar 10-15 kun davomida belgila­nadi.

Antigistamin preparatlar.
Pollinozni davolashda ishlatiladigan asosiy dori vositalaridan bular antigistamin vositalar hisoblanadi. Bu vositalarning mexanizmi bazofil va semiz hujayralardan ajralib chiqadigan gistaminni nojo’ya ta’sirini oldini olishdan iborat.
Antigistamin preparatlarni tabletka yoki sirop shaklida iste’mol qilish bemorlarda allekgik rinitning burundagi qichish, aksa urush, rinoreya, burn bitishi kabi simptomlarini kamaytiradi. Bu preparatlar allergik konyuktivit, eshakem, Kvinke shishi va pollinozning boshqa simptomlarida yordam beradi.
Hozirgi kunda antigistamin preparatlari 2 guruhga bo’linadi:
1-avlod preparatlari – yetarli sedativ yeffektga, qisqa terapevtik ta’sirga ega preparatlar. Uzoq vaqt davomida foydalanilsa o’rganib qolish mumkin.
2-avlod preparatlari – juda kam sedativ effektli yoki umuman yo’q, 24 soatlik terapevtik ta’sirga ega bo’lgan preparatlar. Uzoq vaqt davomida iste’mol qilsa ham o’rganib qolmaydi.
Sedativ effekt, 1 – avlod preparalariga xos bo’lib, bu preparatlar yuqori diqqat, ko’p e’tibor va tez xulosa chiqarish kerak bo’ladigan ishda ishlovchi bemorlarda qo’llanilmaydi. Bundan tashqari bu preparatlar organizmga alkogolni ta’sirini kuchaytiradi. 1–avlod antigistamin preparatlarini epilepsiya, prostata bezi gipertrofiyasi, glaukoma va og’ir jigar xastaliklari bilan ozor chekayotgan kasallarda juda ehtiyot bo’lib qo’llanishi zarur.