Pán: Ádebiyat Klass: 7 Waqtı

II.Úyge tapsırma soraw: (14 minut)Xoja Axmet Yassawiy hám onıń dóretiwshiligi Ótken sabaqta úyge berilgen tapsırmanı oqıwshılardıń eslerine túsiremen hám jurnalda bahası az oqıwshılardan úyge berilgen tapsırmanı sorayman. Úyge berilgen tapsırmanı orınlamay kelgenlerden ne sebep orınlamay kelgenligin anıqlastıraman.
III.Taza tema túsindiriw: (15 minut)Ádebiyat teoryasınan maǵlıwmat:Másnawiy hám rubayı haqqında túsinik
Másnawiy — arab sózi bolıp ekilik degen mánini ańlatadı. Bunda qosıq birgelki únles uyqasqa tiykarlanadı. Másnawiylerdiń hárbir bánti óz ara uyqasatuǵın eki qatardan ibarat boladı (a-a, b-b, v-v tárizde). Másnawiy shıǵıs ádebiyatında kóp qollanıladı, ásirese ol dástanlıq shıǵarmalarda keń paydalanılǵan. Mısalı, Shıǵıs ádebiyatında eń kóp tarqalǵan «Hamsa» dástanları, Yusup Has Hajibtiń «Baxıtqa baslawshı bilim», Axmet Yugnakiydiń «Haqıyqatlar sıylıǵı» shıǵarmaları usı masnawiy qosıq forması menen jazılǵan. Mısalı:
Endi keldi seniń gúres náwbetiń, — a
Jaqsılıqqa toltırǵay jer betin, — a
Jaqsını gúl eter eldiń alǵısı, — b
Jamandı qum eter xalıqtıń ǵarǵısı, — b
Bolsa basshı jaqsılıqtı qollaǵan, — v
Ol jerlerde ádil tártip ornaǵan — v
— dep beriledi Yusup Has Hajibtiń «Baxıtqa baslawshı bilim» shıǵarmasında.