Pán: Ádebiyat Klass: 6 Waqtı

III.Taza tema túsindiriw: (15 minut) Mırzaǵáliy Dáribaevtıń ómiri hám dóretiwshiligi “Mıńlardıń biri” povesti
Mırzaǵaliy Dáribaev XX ásir qaraqalpaq ádebiyatında shayır, jazıwshı, dramaturg, awdarmashı sıpatında belgili boldı.Ol 1909-jılı Qońırat rayonında tuwılǵan. 1929-jılı pedagogikalıq kurstı pitkerip, awılında muǵallim bolıp isleydi. 1935-jılı Tashkent Orta Aziyalıq awıl xojalıq mektebin pitkeredi, soń gazetada, Jazıwshılar awqamında jumıs isleydi.Jazıwshınıń dáslepki shıǵarmaları 1930-jıllardan baslap járiyalana basladı. Onıń 1930 — 40-jıllarda «Qosıqlar», «Jeńiwshiler», «Gúreske» degen toplamları basılıp shıqtı. Sońǵı jılları M.Dáribaevtıń «Qosıqlar hám poemalar» (1954), «Shıǵarmaları» (1958), «Tańlamalı shıǵarmaları» (1963), «Qálbiyke» (1984) degen toplamları járiyalandı.M.Dáribaev dramaturgiya tarawında da «Kóklen batır», «Árman»,‚ «Ǵárip-ashıq», «Jańa adamlar» atlı piesaların jazdı. Al, jazıwshınıń «Mıńlardıń biri» povesti qaraqalpaq prozasınıń qáliplesiwinde ayrıqsha orın ieledi.