Pán: Ádebiyat Klass: 6 Waqtı

III.Taza tema túsindiriw: (15 minut) Abbaz Dabılovtıń ómiri hám dóretiwshiligi “Námárt jigit nege dárkar” qosıǵı
Abbaz shayır 1898-jılı házirgi Taxtakópir rayonındaǵı Qaraoy degen jerde tuwıladı. Abbazdıń ákesi Dabıl eski mektepte oqıp sawatın ashqan. Sonlıqtan onı awılınıń adamları «molla bala» dep ataǵan. Dabıl sawatlı bolsa da, turmısı tómen bolǵan. 1891-jılı Shımbay rayonına kóship keledi.Bul jerge kóship kelgennen keyin, Abbaz dáslep awıllıq meshitte, sońın ala Qaraqum iyshannıń medresesinde oqıǵan. Biraq turmısı tómen bolǵanlıqtan, medresede oqıwdı dawam ettire almaǵan. Ol dáslep óziniń tuwısqan aǵası Hamzadan qıssa oqıwdı úyrenedi hám onıń jazǵan qosıqların yadlap aladı. Ózi de endi qosıq jaza baslaydı. «Bahadır», «Biybisánem», «Námárt jigit nege dárkar?» hám t. b. shıǵarmaları qaraqalpaq ádebiyatında joqarı bahalanadı.