Pán: Ádebiyat Klass: 6 Waqtı

III.Taza tema túsindiriw: (15 minut) Sadıq Nurımbetovtıń ómiri hám dóretiwshiligi “Perzentim”, “Miywe hám japıraq” qosıqları
Sadıq Nurımbetov —qaraqalpaq xalqınıń belgili shayırı. Ol 1900-jılı Kegeyli rayonında tuwılǵan. Onıń shayırshılıǵınıń qáliplesiwinde aǵası, belgili shayır —Sıdıq Toqpan ulınıń tásiri kúshli boldı.
S. Nurımbetov 1939-jılı sol waqıttaǵı Qaraqalpaqstannıń paytaxtı Tórtkúlge shaqırtılıp, ádebiyatımızǵa jaqınnan aralasıwǵa múmkinshilik tabadı. Basqa da jazıwshı-shayırlar menen birge Moskva, Tashkent qalalarında boladı. Shayırdıń qosıqları ótken ásirdiń 20-jıllarınan baslap-aq járiyalana baslaydı hám «Biziń watan», «Jeńimpaz xalıq», «Batırlar alǵa», «Baxtiyar», «Túlkishek», «Farhad», «Jipekshi Jańıl», «Jańa zaman jırları», «Qanalaslar» degen at penen toplamları basılıp
shıqtı.
Ana
Ana — minsiz, ana — músin,
Bárin oyla, tereń túsin,
Minnetdarsań onıń ushın,
Qansha xızmet qılsań da az.

Meyli jolında júr kún-tún,

Meyli ómirińdi sarp et pútin.
Meyli alaqanda kútiń,
Qansha húrmet qılsań da az.


Perzentim
Xalıq ushın tuwılıp, kámalǵa keldiń,
Jawınger jasları baxıtlı eldiń,
Watanıńa búgin wádeńdi berdiń,
Wazıypańdı orınlap kel, perzentim.

Tuwǵan eldiń ar-namısın alıp kel,

Dushpannıń basına sawda salıp kel,
Jeńistiń namasın tezden shalıp kel,
Meniń saǵan tapsırmam sol, perzentim.