Pán: Ádebiyat Klass: 6 Waqtı

III.Taza tema túsindiriw: (15 minut) Muhammed Yusup ómiri hám dóretiwshiligi. “Watanım” qosıǵı
Ózbekistan xalıq shayırı Muhammed Yusup 1954-jılı Ándijan wálayatı Marhamat rayonındaǵı Qawınshı awılında tuwılǵan. Ol Tashkenttegi Rus tili hám ádebiyatı institutında bilim alǵan.Muhammed Yusup jámiyetshilikke talantlı lirik shayır sıpatında tanıldı. Ol tań qalarlıq obrazlarǵa tolı poemalardıń avtorı edi. Shayır óziniń dóretiwshilik miynet jolında birqansha poeziyalıq toplamların shıǵardı. Atap aytqanda «Tanıs terekler» (1985), «Búlbilge bir gápim bar» (1989), «Íshqı kemesi» (1981), «Aspanıma alıp ketemen», «Ózińnen kúymesin xalqım» poeziyalıq kitapları, 2001 — 2002-jılları «Tańlamalı shıǵarmaları» jıynaǵı basılıp shıqtı.Muhammed Yusup ózbek ádebiyatın rawajlandırıwdaǵı miynetleri ushın 1996-jılı «Doslıq» ordeni, 1998-jılı Ózbekistan xalıq shayırı húrmetli ataǵı menen sıylıqlandı.
Watanım
Men dúnyanı ne qıldım,
Óziń jarıq jáhánim.
Ózim hákim,
Ózim sultan,
Sen taxtı Sulaymanım,
Jalǵızım, jekkem deyin be,
Sıyınǵan káramatım,
Ullılardıń ullısı,
Biyigimseń, Watanım...
Shadlıǵımsań, ǵumsha jarıp,
Urqan atqan izimde,
Qapalansam, jubatıp,
Júzińdi basıp júzime.
Qarındasım deyin be,
Anam deyin be,
Sherik dártlesim deyin be,
Áptaptan da mehriń ıssı
Jılıwımsań, Watanım.
Sen Máshrepseń,
Tumar bolǵan xalıqta,
Darǵa asılǵan Balxta,
Nawayısań shax janında,
Kámbaǵaldı qollaǵan,
Yassawiyseń «meniki» dep
Jurt talasıp, dawa qılǵan,
Mıń da bir sırı ashılmaǵan,
Meniń sırlı jáhánim,
Qorıǵımsań, Watanım.