Plastik anatomiya

OLIY VA O’RTA MAXSUS TA’LIM VAZIRLIGI

QARSHI DAVLAT UNIVERSITETI


N.Berdiyev, E.Jabborov, I.Kamolov
PLASTIK ANATOMIYA


Oliy o’quv yurtlari tasviriy san’at va muhandislik grafikasi
yo’nalishi talabalari uchun o’quv qo’llanma

Qarshi-2014

turlari va ulardagi harakatlarning ma'lumotlaridan tashqari, odamning dinamik va statik holati, tashq’i fazo, bo’shliqda tana og’irligi muvozanatini saqlash, hamda tana turli qismlarining nisbatlarini o’rgatadi. Gavdaning holati o’zgarganida suyak va muskullar holatining odam qiyofasiga ta'sirini “Plastik anatomiya” ma'lumotlari asosida tasvirlar shaklini chizma namoyon qiladi. Kalla suyagini tuzilishi, shakli va undagi muskullar, ayniqsa, mimika muskullari guruhi, hamda yuz qismidagi bo’laklar (burun, ko’z, quloq, og’iz) tuzilishining o’ziga xosligi muhim ahamiyatga ega. Boshqacha aytganda inson qiyofasini tasvirlashda plastik anatomiyaning tahlili alohida o’rin tutishi bayon etiladi.
Hozirgi anatomiya fani faqat a'zolarning tuzilishini o’rganish bilan chеgaralanib qolmay, ularning shakllarini (ko’rinishlarini) ichki va tashqi muhitga bog’langan holda o’rganadi, butun organizmga yagona bir tizim dеb qaraydi. Murakkab tuzilgan odam organizmini o’rganishni osonlashtirish maqsadida undagi a'zolar alohida-alohida tizimlarga ajratiladi.


Plastik anatomiyaning mazmuni va qisqacha tarixi
“Qayerda fan san’atga yordamga kelmasa,
u yerda san’at yo‘q, u yerda faqat qadimgi
san’at-hunarmandchilik bor”.
I.YE.Repin
Anatomiya-organizmning shakli va qurilishi haqidagi fandir.Bu so‘zning kelib chiqishi grekcha “anatemno”- “yoraman” ma’nosi bilan bog‘liq. Ya’ni, bu fan inson organizmi shakli, uning tuzilishi, ichki organlari, ularning bir-biri bilan bog‘lanishini o‘rganishning asosiy va qadimiy metodlaridan biri-marhumlarni yorib ko‘rish amaliyoti bilan tasavvur qilinadi.