Pisa xalqaro tadqiqotlariga tayyorgarlik ko’rish

Kirish

Ilm har qanday zamon va makonda ham najot yoʻli, zulmatlarni yorituvchi nur, insonni kamolotga yetaklovchi buyuk neʼmat boʻlgan.

Barcha davrlarda bobolarimiz ilmning millat va davlat kelajagidagi oʻrnini juda yaxshi anglagan. Buning yorqin dali sifatida Imom Buxoriyning oʻn ikki asr oldin “Dunyoda ilmdan boshqa najot yoʻq va boʻlmagay ” degan fikrlarini keltirish mumkin.

Globallashuv davrida ham taʼlim, bilim, zakovat tushunchalari oʻz qiymatini yoʻqotmadi, aksincha dolzarbligi yana-da oshdi. Ilmni saodat deb bilgan xalq borki, rivojlanishga yuz tutishi muqarrar. Asosiy investitsiyasini taʼlim tizimiga kiritadigan mamlakat albatta ulkan yutuqlarga erishadi.

Prezident Shavkat Mirziyoyevning mamlakatimizda taʼlim-tarbiya tizimini takomillashtirish, ilm-fan sohasi rivojini jadallashtirish , hamda xalqaro tadqiqotlarda ishtirok etish kabi bir qancha islohotlari yurtimizda ta’limga bo’lgan e’tiborning yuksak na’munasi hisoblanadi.

PISA nima?

— O‘quvchilarning o‘qish, matematika va tabiiy fanlardan savodxonligini baholashga qaratilgan xalqaro baholash dasturi bo‘lib, uning natijalari asosida dunyo mamlakatlari o‘quv dasturlarida mavjud talablar doirasida o‘quvchilarning bilim va ko‘nikmalarini hayotiy vaziyatlarda qo‘llash, fikrlash va muloqot qilish qobiliyat­larini aniqlashga qaratilgan. Shu bilan birga, bu hech qanday o‘quv dasturini belgilamaydi, targ‘ib qilmaydi va umumiy e’tirof etishni taqozo etmaydi.

2. Tadqiqot kim tomonidan amalga oshiriladi?

— PISA tadqiqoti Iqtisodiy hamkorlik va taraqqiyot tashkiloti(IHTT), Organization for Economic Cooperation and Development(OECD) tomonidan amalga oshiriladi. Tadqiqot ilk bora 2000-yili o‘tkazilgan va 3 yilda bir marotaba o‘tkaziladi.

PISA tadqiqotlarida nega aynan 15 yoshli o‘quvchilar qatnashadi?

— Tadqiqot aynan 15 yoshli o‘quvchilar doirasida o‘tkazilishining asosiy sababi Iqtisodiy hamkorlik va taraqqiyot tashkiloti(IHTT)ga a’zo aksariyat davlatlarda 15 yosh majburiy ta’lim bosqichining yakuniy davri hisoblanadi.