Pirometallurgiya jarayonlari nazariyasi

N_nordonlik = _{ }

Asoslilik darajasi ham xuddi shu usulda aniqlanadi. Faqat bunda aksincha, asosli oksidlardagi kislorodning gramm-atomlari yig‘indisini nordon oksidlardagi kislorodning gramm-atomlari yig‘indisiga bo‘linadi.

Shlaklarning nordonlik yoki asoslilik darajasini aniqlashning zarurligi shundaki, agar shlak fazasida nordonlik yoki asoslilik darajasi oshib ketsa pechning ichki devori – futerovkaga zarar yetadi. Chunki nordon yoki asosli muhitda shlak tarkibidagi ba’zi moddalar futerovkadagi moddalar bilan kimyoviy reaksiyaga kirishib uni yemiradi va natijada futerovka yorilib orasidan suyuq metall shiddat bilan sizib chiqadi. Qizib turgan suyuq metall suvdan ham oquvchanroq bo‘lib yo‘lida uchragan barcha narsalarni erita boshlaydi va ishlab chiqarishda halokatli oqibatlarni keltirib chiqaradi. Shuning uchun metallurgiyada shlak fazasini hosil qilish uchun rudaning mineralogik tarkibiga qarab turli xildagi flyuslar qo‘llaniladi. Masalan, ruda ohakli bo‘lsa, unga kvarsli flyuslar qo‘shiladi. Agar ruda kvarsli bo‘lsa, u holda, unga ohakli flyuslar qo‘shiladi. Shunday qilib, flyuslar metallurgiyada shlak qatlamini hosil bo‘lishini tezlashtiradigan moddalar sifatida ishlatiladi.