Pedagogika-psixologiya fakulteti

Ota-onalarning ayrimlari: "Sport bilan doimiy shug'ullansa bo'lgani, farzandimning bekorchi ishlarga vaqti bo'lmaydi. Askincha, salomatligi ham mustahkamlanadi", deb xotirjamlikka beriladi. Lekin bolasining o'zi sport to'garagiga qanday maqsad bilan borayotganini, u erda unga nimalar o'rgatilayotgani va atrofidagi do'stlari kim ekani ota-onalarga qorong'u bo'ladi.
Oilaviy totuvlikning kaliti - oila a'zolarining o'zaro munosabatlarida, bir-birini yaxshi bilishida. Ota sport va jismoniy tarbiya orhali bolasini to'g'ri tarbiyalashi, salomatligini muhofaza qilishi uchun uning kundalik hayotini yaxshi bilishi zarur. O'g'lining sport bilan shug'ullanish davomida gavda tuzilishi, fikrlashida kuzatilayotgan o'zgarishlarni tahlil qilishi foydadan xoli emas.
Ayrim o'smirlar tezroq kamolga etib, mushaklari birdan kuch - quvvatga to'lib, qaddu qomatini ko'chalarda ko'z-ko'z jqilib yurishni istashadi. Buning uchun och-nahor bo'lsa-da, kimyoviy preparatlar va salomatlik uchun jiddiy xavf tug' diruvchi vositalarni sotib olib, tana a'zolari uchun foydalanadi. Uning qaddi qomati sun'iy go'zal bo'lishi mumkin, ammo natijada, oshqozon, jigar, buyrak singari o'ta muhim ichki organizmlari zo'riqadi.
Mutaxassislarning ta'kidlashicha, yuqoridagi o'ta ta'sirchan kimyoviy vositalardan foydalangach, quvvat va vitaminlarga boy ovqatlardan to'yib iste'mol qilish talab etiladi. Ammo preparatga bazo'r pul topgan o'zboshimcha o'smir faqat uyiga kelibgina tuzukroq ovqatlanishi mumkin. Shu tariqa o'z vaqtida nazoratga olinmagan bola xayoliy orzularga berilib, biror jiddiy kasallikka yo'liqadi va oilasiga ham tashvish tug'diradi...
Ana shunday salbiy oqibatlarni oldini olish uchun maktabgacha ta'lim muassasalaridan boshlab bolalarni jismoniy tarbiya va sport bilan to'g'ri shug'ullanishga o'rgatish lozim.