Pеdаgоgikа. Psiхоlоgiya” fanidan O’quv-uslubiy majmua

Moliyaviy menejment

fakulteti dekani:

2017 yil “_____”___________________ ____________ O. Astsanakulov

(imzo)
“Kasbiy ta`lim”

kafedrasi mudiri:

2017 yil “_____”___________________ ____________ A. Omonov

(imzo)

1. O’quv fani o’qitilishi boyicha uslubiy ko’rsatmalar
“Pedagogika. Psixologiya” fanining asosiy maqsadi – talabalarga umumiy pedagogik va psixologik bilimlarni berish, ularni ushbu fanlarning umumnazariy asoslari bilan tanishtirish, ta’lim-tarbiyaviy faoliyat xususiyatlari bo‘yicha egallagan nazariy bilimlarini amaliyotda qo‘llash ko‘nikmalari bilan qurollantirishdan iboratdir.

Fanning vazifalari – talabalarga pedagogika va psixologiya fanlarining predmeti, maqsadi, vazifalarini, ularning rivojlanish tarixi; zamonaviy ta’lim-tarbiya tizimlari, xususan, O‘zbekistonning uzluksiz ta’lim tizimi, ta’lim mazmuni va tarbiya nazariyasi; ta’lim va tarbiya metodlari; pedagogikaning ijtimoiy asoslari, pedagogik faoliyat hamda uni tashkil etish jihatlari; ta’lim-tarbiyaning birligi tamoyili, pedagog shaxsi va uning ijtimoiy burchi; psixika, psixologik kategoriyalar, qonuniyatlar, psixik jarayonlar va ularning toifalanishi; shaxs va faoliyat hamda shaxsning individual-psixologik xususiyatlari; moliya iqtisod yo‘nalishlarida tahsil olayotgan talabalarga zarur bo‘lgan keng ijodiy tafakkurning psixologik asoslari bo‘yicha nazariy bilimlar bilan tanishtirish; zaruriy amaliy ko‘nikmalarni tarkib toptirishdan iborat.

Har bir mavzu yakunida axborot va pedagogik texnologiyalar keltirilgan hamda ularni qo‘llash yuzasidan aniq tavsiyalar mazkur fandan ishlab chiqilgan o‘quv-uslubiy majmua (O‘UM)da bayon etilgan.

“Pedagogika. Psixologiya” kursinining vazifalari:

• 
  pedagogika va psixologiya fanlarining predmeti, maqsadi, vazifalarini aniqlash hamda uning rivojlanish tarixini o‘rganish;
  
• 
  talabalarni zamonaviy ta’lim-tarbiya tizimlari, xususan, O‘zbekistonning uzluksiz ta’lim tizimi hamda milliy g‘oya va milliy mafkurani xalqimiz ongiga singdirish masalasi;
  
• 
  pedagogika va o‘qitish jarayonlari, ta’lim mazmuni va tarbiya nazariyasi hamda ta’lim va tarbiyaning metodlarini o‘rganish;
  
• 
  pedagogikaning tabiiy ijtimoiy asoslari va pedagogik faoliyat hamda uni tashkil etish jihatlarini aniqlash; talabalarni ta’lim-tarbiyaning birligi, pedagog shaxsi va uning ijtimoiy burchi bilan tanishtirish;
  
• 
  psixologik tushunchalar, kategoriyalar, qonuniyatlar, psixik jarayonlar va ularning toifalanishini o‘rganish;
  
• 
  psixik jarayonlarning fiziologik asoslari ochib beriladi;
  
• 
  shaxs va faoliyat hamda shaxsning individual-psixologik xususiyatlarini o‘rganish va aniqlash; iqtisod yo‘nalishida taxsil olayotgan talabalarga zarur bo‘lgan keng va ijodiy tafakkurning psixologik asoslarini tushuntirish va ularni rivojlantirish hamda iqtisodiy fikrlash malakalarini tarkib toptirish;
  
• 
  talabalarning kelgusi ish faoliyatlarida ishbilarmonlik muloqoti to‘g‘risida tushunchalarga ega qilish va ularda zarur ko‘nikmalarni hosil qildirish, bo‘lajak iqtisodchi–mutaxassislarni bilim, malakalarini kengaytirish, ularning kasbiga bo‘lgan qiziqishlarini yanada chuqurlashtirish, barkamol shaxs qilib tarbiyalashdan iboratdir.