Pedagogika kafedrasi

Quyosh va yomg‘ir. 
O‘yin mazmuni: Xona yoki maydonda bolalar soniga 
qarab stullar qator qilib qo‘yiladi. Ularning orqasida bolalar cho‘qqayib turishadi 
va derazadan (stul teshiklari-panjara) mo‘ralashadi. Tarbiyachi: “quyosh chiqdi, 
o‘ynab kelinglar”, deb ruxsat beradi. Bolalar tezda yugurishib, turli harakatlar 
qilishadi. Birozdan keyin tarbiyachi “Yomg‘ir” deb ularni chaqiradi va bolalar 
tezlikda kelib o‘z joylarini egallashadi. Yana “quyosh chiqdi, o‘ynanglar”-deyishi 
bilan bolalar yugurishib ketadi. O‘yin 5-6 marta takrorlanadi. 
O‘yin qoidalari va yakuni: O‘rindan turganda yoki qaytib kelib joylarini 
egallashda stulni yiqitib yubormaslik, o‘zlari surinib yoki bir-biriga to‘qnashib 
yiqilmasliklari kerak. Erkin o‘ynab yurganda sakrash, bir-birlari bilan quvlashish 
va boshqa harakatlarni qilishi lozim. O‘yinda chaqqon va epchil harakat qilganlarni 
tarbiyachi rag‘batlantiradi. Shuningdek kuyidagi uyinlarni bolalar bogchalarida 
uynatish va ularni tarbiyasini amalga oshirish tavsiya etiladi.
Bolalarning yoshiga qarab “Bog‘ hovliga sayohat”, “Mehmonga borish”, 
“Darvoza”, “Ilon izi”, “Doirada tezroq saf tortib tur”, “Ko‘z boylag‘ich”, 
“Polizda”, “Qushlar parvozi”, “Kapalak tutish”, “Arg‘amchi bilan yugurish”, 
“Bayroqchaga qarab tur” kabi harakatli o‘yinlardan ham maqsadli foydalanilsa 
bo‘ladi. 
Xulosa tariqasida aytilganda takidlash joizki, bog‘cha yoshidagi bolalarni 
jismoniy jihatdan rivojlantirish, qomatni to‘g‘ri o‘stirish va jismoniy sifatlarning 
barcha belgilarini tarbiyalashda harakatli o‘yinlar muhim o‘rinni egallaydi. Shu 
sababdan oila sharoiti va bog‘chalarda harakatli o‘yinlarni to‘g‘ri tanlash, 
mazmunli hamda qiziqarli qilib o‘tkazish zarurdir.
Jismoniy tarbiya va sport sohasidagi bo‘lajak mutaxassislar bolalar tarbiyasi 
muassasalarida va oila sharoitlarida qo‘llanilishi zarur bo‘lgan o‘yinlarni bilishlari 
va eng muhimi esa ularni tashkil qilish hamda tashkil qilish yo‘llarini yaxshi 
o‘zlashtirishlari lozim bo‘ladi. 
Talabalarning o‘quv amaliyoti (praktika) jarayonlarida bolalar tarbiya 
muassasalarida bo‘lishlari, kamida 3-4 marta o‘yinlarni tashkil qilishlariga sharoit 
va imkoniyatlar yaratilishi maqsadga muvofiqdir.