Pedagogika kafedrasi

 
Keys: O‘qimay kelganlar to‘rga o‘sin 

---

69 
Shuncha urinishlarga qaramay, baribir darsga tayyorlanmay keladigan 
tinglovchilar bor edi. Buni yashirish yoki inkor qilish kerakmas. 
O‘qimay kelgan tinglovchilar uchun ham o‘zimning qat’iy prinsipim bor edi. 
Fikrimcha, o‘qimay kelgan tinglovchi ham, mening darsimdan quruq qo‘l bilan 
chiqib ketmasligi kerak edi. O‘sha darsda u shunchaki jasad bo‘lib ishtirok 
etmasligi, faqat yo‘qlamaga ko‘rinish uchun kelmasligi lozim edi. 
Shu sababli men o‘qimay kelgan tinglovchilarni eng oldingi partaga 
o‘tqazardim. Blits savol-javoblar vaqtida har bir savolning javobini ulardan qayta 
aytishlarini so‘rardim. Masalan, boshqa bir tinglovchi savol beraman, u javob berdi 
deylik. Keyin xuddi shu savolni o‘qimay kelgan tinglovchiga yana qayta beraman. 
U kursdoshi aytgan javobni takrorlaydi. Aytolmasa, yana takrorlattiramiz, diqatini 
jamlaymiz. 
Shunaqa qilib, dars oxirigacha u ko‘p ma’lumotni eshitadi, gapiradi. Va 
natijada darsimdan nimadir (kam bo‘lsa-da) olib chiqib ketadi. 
Ha, esimda, ba’zi tinglovchilar oldingi partada o‘tirmaslik uchun ham o‘qib 
keladigan bo‘lgandi.