Pedagogika kafedrasi «pedagogik riskologiya»

GLOSSARIY
“Kontseptsiya” yoki “kontsept” lotincha so’zdan olingan bo’lib, “tushunish”, “tizim” ma’nolarini anglatib, biror-bir narsa-buyum, hodisa yoki jarayonni tushunishning ma’lum bir usulini o’zida ifoda etadi.

“Modernizatsiya” tushunchasiga – “zamonaviy talab va didga moslab o’zgartirish; zamonaviylashtirish” – deb izoh berilgan.

Dalillarga asoslangan tarzda yondashish (bu bilimlarga va to’plangan tajribaga asoslangan qaror tanlovidir. Bunday qarorlar mantiqan olganda sust, lekin bu yondashuvning afzalligi uning tezligi va alternativalarni tanlashning kam sarfliligidadir. Bilim va tajribadan oydalanib, sog’lom fikrga asoslanib, odam oldin o’xshash vaziyatlarda ko’proq muvaffaqiyat keltirgan variantni tanlaydi. Agar odamning oldingi tajribasida o’xshash vaziyat bo’lmagan bo’lsa, bu yondashuv odatda natija bermaydi);

Faoliyat - inson tomonidan tabiiy va ijtimoiy hayotni maqsadga muvofiq o’zgartirishga yo’naltirilgan ijtimoiy-tarixiy turmushning o’ziga xos shaklidir. Insonning qobiliyati va yoshi u tomonidan tashkil etilayotgan faoliyat mohiyatiga ko’ra belgilanadi.