Pedagogika kafedrasi o’quv-uslubiy majmua

Mustahkamlash uchun savollar:

1. 
   Ko‘pgina pedagog-psixologlar ta’lim jarayonini tahlil qilar ekanlar, uni yetarli darajada boshqarib bo‘lmaydigan jarayon deb ta’kidlaydilar, shu fikrga munosabatingiz.
   
2. 
   Ma’qullash va qoralash, rag‘batlantirish hamda jazolash o‘quvchining xulq-atvorini boshqarish va tuzatish vositasimi, nima uchun?
   
3. 
   O‘qituvchi, tarbiyachi o‘quvchilarning o‘z-o‘zini tarbiyalashiga rahbarlik qilishda 4 vazifani ko‘zda tutishi kerak, sanab yoritib bering.⁴⁶
   
4. 
   «Tarbiyasi qiyin» bolalar pedagogik qarovsizlik natijasidir, bu fikrga munosabatingizni bildiring.
   
5. 
   L.S.Vigotskiy fikricha, «qiyin» o‘smir hayoti munosabatlar xarakterining natijasidir, deb ta’kidlaydi, ushbu fikrga o‘z munosabatingizni bildiring.
   
6. 
   Qaysar, injiq bolalar bilan ishlashning qanday usullarini bilasiz?
   
7. 
   Intizomsiz, qo‘pol bolalarga qanday yo‘l bilan ta’sir o‘tkazish mumkin?
   
8. 
   Psixologiyada «tarbiyasi qiyin» bolalarning bir qancha klassifikatsiyalari mavjud, ular qaysilar?
   
9. 
   Pedagogik-psixologik muloqotdagi shaxsga bog‘liq to‘siqlar va uni bartaraf etishda qanday yo‘llari mavjud?
   

Talabalarning mustaqil tayyorlanishi uchun “Keys” topshirig‘i


1-vaziyat. 5-sinf o‘quvchisi Alisher she’r va hikoyalarni yaxshi eslab qola olmaydi. Sinf taxtasi oldida, odatda, boshlang‘ich 2-3 jumlani aytadi va jim bo‘lib qoladi yoki umuman boshqa narsalarni gapiradi. Har bir “2” baho, adabiyot o‘qituvchisining ham, o‘quvchining ham yuragida alamli kechar edi. O‘qituvchi bolalardan Alisherni o‘ziga juda bino qo‘yadiganlardan biri ekanligini bilib oldi. – Men uning o‘ziga bino qo‘yish xususiyati bilan yaqindan tanishmoqchi bo‘ldim, - degan edi, keyinchalik adabiyot o‘qituvchisi Jamila Mamatova, o‘zining hamkasblariga. Kunlardan bir kun, o‘qituvchi Alisherni sinf taxtasi oldiga chaqirib, uy vazifasini so‘radi, keyin, unga bugun avvalgidan ancha yaxshiroq tayyorgarlik ko‘ribsan, agar nutqing ohangida xatolar bo‘lmaganda senga “to‘rt” baho qo‘ysa ham bo‘lar edi, deb “uch”baho qo‘ydi. – Ertasiga men Alisherni yana sinf taxtasi oldiga chaqirdim. Hammadan qizig‘i shuki, u hikoyaning mazmunini a’loga aytib berdi. Uning kundaligida va sinf jurnalida adabiyotdan birinchi “5” baho paydo bo‘ldi. Bu g‘alaba edi. Tez orada Alisher adabiyotdan muvaffaqiyatli o‘qiy boshladi.


Savollar:
1. O‘qituvchi o‘zining qaror va harakatlarida o‘quvchining qanday
psixologik va shaxsiy xususiyatlariga asoslangan?
2. Pedagog bundan keyin qanday harakat qilishi zarur?


ADABIYoTLAR:
1. Ahmedova M.T. Pedagogik konfliktologiya. –T.: Adabiyot uchqunlari, 2017. -320 b.
2. Ansupov A.Ya. Osnovы konfliktologii. –M.: 1998;
3. To‘ychieva G.U., Asadova E. Yoshlar va konfliktlar yechimi. Manual. –T.: 2008.
4. Azizxo‘jaeva N.N. Pedagogik texnologiya va pedagogik mahorat. – Toshkent: Nizomiy nomidagi TDPU, 2006.
5. Pedagogik texnologiyalar va pedagogik mahorat. Darslik. N.T.Omonov, N.X.Xojaev, S.A.Madiyarova, Ye.I.Eshkulov. T.: “IQTISOD-MOLIYA”, 2009.
6. Xoliqov A. Pedagogik mahorat. – T.: IQTISOD-MOLIYA, 2011.
7. Hikmatnoma. //To‘plovchi N.Eshonqulov. Toshkent: Cho‘lpon, 1992.