Pedagogika fakulteti psixologiya kafedrasi

Mavzu yuzasidan keys topshirig’i
Rahimova Sarvara 26 yosh, o‘rta ma’lumotli, uy bekasi. Oilali. Ikki farzandi bor. Turmush o‘rtog‘i Rahimov Dilshod 30 yosh, o‘rta ma’lumotli, kichik tadbirkorlik bilan shug‘ullanadi. Farzandlarning kattasi SHerzod 1 sinf, ikkinchisi Murod esa yaqinda 2 yoshga to‘ladi. SHerzodning birinchi sinfga chiqishi ma’lum bir qiyinchiliklar olib keldi.

Sarvara erining bee’tiborligidan uni xiyonat ko‘chasiga kirgan deb tahmin qilyapti. Dilshod ko‘pincha telefonda gaplashadi, hatto yuvinish xonasiga ham qo‘l telefon bilan kirib ketadi. Oilada ko‘pincha shu masalada tortishuvlar bo‘lib turadi. Ayniqsa oxirgi paytlarda Dilshodning ko‘pincha uyga kech kelishi, goho tunagani kelmay qolishi munosabatlarni yanada taranglashtirdi. Buni u ishi ko‘payib ketganligi, yuk kech kelganligi, hamkorining uyida tunab qolganligi bilan izohlaydi. Gohida esa boshqa viloyatlarga tijorat masalalari bo‘yicha bir-ikki kunga ketadigan odat ham chiqardi.

Sarvaraning boshi tez-tez og‘riydi. Goho kun bo‘yi tushakka mixlanib yotadi. Bolalar o‘zi bilan o‘zi ovvora, uy-ro‘zg‘or yumushlarini bajarishga ham holi bo‘lmasligidan shikoyat qiladi.

SHerzodning ham o‘qishi yaxshi emas. Maktabga borishni istamaydi. Ko‘p dars qoldiradi.

Murod ham nimjon, injiq. Ko‘p yig‘laydi. Ishtahasi ham yo‘q. Ko‘p kasal bo‘lganligi sababali, endi-endi atak-chechak qilib yuryapti.

Sarvara suhbat jarayonida yig‘idan o‘zini tiya olmadi, bir necha bor tinchlanib olish uchun fursat so‘radi.

Mazkur vaziyatga aniqlik kiriting. Er-xotin o‘rtasidagi munosabatlarning asl sababi nimada deb o‘ylaysiz?