Pedagogika fakulteti pedagogika kafedrasi

O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI
SHAROF RASHIDOV NOMIDAGI SAMARQAND DAVLAT UNIVERSITETI
O’ZBEKISTON-FINLANDIYA PEDAGOGIKA INSTITUTI
PEDAGOGIKA FAKULTETI
PEDAGOGIKA KAFEDRASI
70110101-Pedagogika nazariyasi va tarixi (faoliyat turlari bo`yicha)
KURS ISHI
FAN: TA'LIM JARAJONINI TASHKIL ETISHDA INNOVATSION YONDASHUVLAR
МАVZU: Pedagogik texnologiyaning tarixiy rivojlanish davrlari

Bаjаrdi: 1- kurs magistranti Pirnazarova Sh. B.
Tekshirdi: p. f. n.dots. Fayziyev М. А.


Sаmarqand-2022
MAVZU: PEDAGOGIK TEXNOLOGIYANING TARIXIY RIVOJLANISH DAVRLARI


REJA:


I.KIRISH
II. ASOSIY QISM
2.1. Pedagogik texnologiya tushunchasining vujudga kelishi.
2.2. Pedagogik texnologiya va texnologiya.
2.3. O`qitish texnologiyasi haqida..
2.4. Pedagogik texnologiyaning turlari.
III. XULOSA
IV. FOYDALANILGAN ADABIYOTLAR RO’YXATI
V. ILOVALAR


Kirish
XXI asrda jahon miqyosida ta’lim barqaror taraqqiyotni ta’minlovchi asosiy omil sifatida e’tirof etilib, 2030 yilgacha belgilangan xalqaro ta’lim konsepsiyasida “Butun hayot davomida sifatli ta’lim olishga imkoniyat yaratish” dolzarb vazifa sifatida belgilandi. Bu uzluksiz ta’lim tizimida va butun hayot davomida har bir shaxsning ijodiy hamda tanqidiy tafakkurini rivojlantirishga yo’naltirilgan zamonaviy axborot-kommunikasiya va masofaviy o’qitish texnologiyalaridan foydalanish imkoniyatini kengaytirdi. Bugungi kunda zamonaviy talablar asosida ta’lim sifatini oshirish, kreativ usullarni qo’llash orqali ta’lim berish, ta’lim muassasalarining moddiy-texnik bazasini mustahkamlash, o’quv dasturlari, o’quv-metodik adabiyotlarini xalqaro talablar asosida yangilash, o’quv jarayoniga ilg’or pedagogik va axborot texnologiyalarini joriy etish kabi ishlarga alohida e’tibor qaratildi. Mamlakatimiz oliy ta’lim tizimida kadrlar tayyorlashning erishilgan darajasi xalqaro maydonda e’tirof etish, zamonaviy ta’limning sifat jihatlarini yanada oshirish, bu boradagi samarali ishlarimizni yangi bosqichga ko’tarish o’ta muhim ahamiyat kasb etadi. Ta’lim tizimi rivojlanishi o’qitishda innovasion texnologiyalarning roli ortib borishi bilan xarakterlanib, u bilimlarni rivojlantirish, o’zlashtirish va tarqatish xususiyatini o’zgartiradi, o’rganilayotgan fanlar mazmunini chuqurlashtirish hamda kengaytirish, uni yangilash, samarali o’qitish usullarini qo’llash jarayonini sezilarli darajada kengaytirish imkonini beradi.
O’zbekiston Respublikasi Prezidentining 2017 yilning 27 iyulidagi «Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to’g’risida»gi PQ-3151-son qarorida «Respublikamiz hududlarini ijtimoiy-iqtisodiy rivojlantirish uchun zamon talablariga javob beradigan yuqori malakali kadrlarni o’z vaqtida zarur ixtisosliklar bo’yicha iqtisodiyot sohalari va tarmoqlari ehtiyojidan kelib chiqqan holda tayyorlash, istiqbolli rivojlanish dasturlariga muvofiq shakllantirish»¹ dolzarb vazifa sifatida belgilangan. Ushbu vazifalarning ijrosini ta’minlashda innovasion faoliyatni barqaror rivojlantirish uchun yuqori malakali kadrlar tayyorlash sifatini oshirish, inson kapitalini mehnat bozori talablari asosida rivojlantirishning pedagogik mexanizmlarini takomillashtirish muhim ahamiyatga ega.
O‘zbekiston Respublikasi Prezidentining 2017 yil 7 fevraldagi «2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasi to’g’risida»gi PF-4947-son, 2021 yil 1 apreldagi «Ilmiy va innovasion faoliyatni rivojlantirish bo’yicha davlat boshqaruvi tizimini takomillashtirish to’g’risida» gi PF-6198-son Farmonlari, 2017 yil 20 apreldagi «Oliy ta’lim tizimini yanada rivojlantirish chora-tadbirlari to’g’risida»gi PQ-2909-son, 2017 yil 27 iyuldagi «Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to’g’risida»gi PQ-3151-son, 2021 yil 1 apreldagi «Ilm-fan sohasidagi davlat siyosati va innovasion rivojlantirishdagi davlat boshqaruvini yanada takomillashtirish chora-tadbirlari to’g’risida» PQ-5047-son Qarorlari, O’zbekiston Respublikasi oliy ta’lim tizimini 2030 yilgacha rivojlantirish Konsepsiyasi hamda mazkur faoliyatga tegishli boshqa me’yoriy-xuquqiy hujjatlarda belgilangan vazifalarni amalga oshirishga muayyan darajada xizmat qiladi.
Jahonda islohotlarni amalga oshirish, ta’lim tizmida yangi innovatsion texnologiyalarni rivojlantirish, iqtisodiyotning yuksalishi kadrlarning kasbiy mahorati va ishbilarmonlik malakasi darajasiga bog’liq. Ma’lumki, uzluksiz ta’limning mohiyati insonning belgilangan ta’lim salohiyatini ko‘tarish va boy etish, shuningdek, ta’lim, tarbiya va rivojlanishdagi mumkin bo’lgan bo‘shliqlarni bartaraf etishdan iborat. Shuning uchun ham bo’lajak o’qituvchilarni innovatsion kompotentliligini shakllantirishi, o’z bilimini uzluksiz to’ldirib borishi va undan kasbiy mahorat hamda ijtimoiy faoliyatda ijodiy foydalana olish qobiliyatini rivojlantirish muhimdir.
Tadqiqotning maqsadi: pedagogik texnologiyaning rivojlanish davrlarini o‘rganish,