Педагогика 5111800 Мактабгача таълим

1-илова
ФСМУ технологияси


Жадвални тўлдиринг
1-гуруҳ

Савол	Болалар боғчаси ва мактаб ўртасидаги узвий боғлиқлик.
(Ф) Фикрингизни баён этинг
(С) Фикрингиз баёнига сабаб кўрсатинг
(М) Кўрсатган сабабингизни исботловчи далил келтиринг
(У) Фикрингизни умумлашти-ринг

2-илова
Т-технологияси
Болалар боғчаси билан мактаб дастурлари ўртасидаги боғлиқлик
Афзаллиги Камчилиги

3-илова
Болаларни мактаб ва ўқувчилар ҳаёти билан таништириш.
ВЕН диаграммасини тўлдиринг.







ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ


НИЗОМИЙ НОМЛИ ТОШКЕНТ ДАВЛАТ ПЕДАГОГИКА УНИВЕРСИТЕТИ


Ойша Ҳасанбоева
Шоиста Ташпулатова
Наргиза Қаюмова
МАКТАБГАЧА ПЕДАГОГИКА

Тошкент-2011

КИРИШ

Мамлакатимизда мустақиллик йўлидаги илк қадамларданоқ жамиятнинг барча соҳаларини қамраб олган сиёсий ва иқтисодий туб ислоҳатлар амалга оширила бошланди. Таълим соҳасида, жумладан унинг биринчи поғонаси ҳисобланмиш мактабгача таълим соҳасида ҳам катта ўзгаришлар кузатилмоқда.

Мустақиллик йилларида мамлакатда таълим муассасалари фаолиятини меъёрлаштирувчи “Таълим тўғрисида”ги Қонун, “Кадрлар тайёрлаш миллий дастури”, шунингдек, “Ўзбекистон Республикасида мактабгача таълим тўғрисида Низом”, “Мактабгача ёшдаги болаларнинг таълим тарбиясига қўйиладиган давлат талаблари” каби давлат ҳужжатлари қабул қилинди.
Ислоҳ этиш жараёнида болаларга таълим ва тарбия бериш вазифалари, мазмуни, шакл ва услублари, шунингдек, мактабгача педагогика фани тараққиётининг усувор йўналишлари қамраб олинмоқда.
“Таълим тўғрисида”ги қонуннинг 30-моддаси орқали фарзандлар тарбияси ва таълим олишлари, уларнинг қонуний ҳуқуқлари ва манфаатлари ҳимояси борасида ота-оналарнинг ўрни ва жавобгарлиги оширилди.
“Ўзбекистон Республикасида мактабгача таълим тўғрисида”ги Низомга мувофиқ бола мактабгача таълимни оилада, мактабгача таълим муассасаларида олади.
МТМларда таълим-тарбияни тарбиячи педагоглар амалга оширади. Ҳар бир ота-она ўз фарзандини билимдон, юксак маҳоратли, одобли педагог-тарбиячи қўлида таълим-тарбия олишни хохлайди.
Жамият талаби даражасидаги тарбиячи-педагогларни етиштириш педагогика олий ўқув юртларининг мактабгача таълим йўналиши зиммасига тушади. Мутахассислик фани бўлган мактабгача педагогикаси фанининг назарий аосолари, таълим-тарбия беришнинг тартоиб қоидалари, Ўрта Осиё ва жаҳон маърифатпарвар, мутафаккир олимларнинг асарларига суянган ҳолда комил инсонни тарбиялашга асосланади. “Мактабгача педагогика” фанининг ўрганиш орқали талабалар туғилгандан етти ёшггача бўлган болаларни оилада ва МТМда таълим-тарбия ишлари мазмуни ва методларини, уни ташкил этиш шаклларини, болаларни мактабга тайёрлашнинг самарали методларини билиб оладилар.
Бир сўз билан айтганда, бугунги педагогика фани ҳақли равишда баркамол авлодни комил инсон бўлиб етишиши йўлидаги қонуниятларни ўргантувчи фан сифатида жамиятда ўз ўрнини топиши лозим.