Pedagogika 015, 4-son Muassis: Nizomiy

 
 
 
1
Комарова Т. С., Антонова А. В., Зацепина М. Б. Программа эстетического воспитания 
детей 2-7 лет. – Москва: Педагогическое общество России, 2005. – С. 56-58. 
2
Применение компьютерной техники в работе с детьми дошкольного возраста 
http://lib.exdat.com/docs/1240/index-11612.html  

---

PEDAGOGIKA
2015, 4-son
 
 
119 
 
 
ILM VA TA’LIMGA BAXSHIDA UMR 
To‘xtaxo‘jayeva Minavvar Xo‘jayevna 1930-yil
2-dekabrda Toshkent shahrida ziyolilar oilasida tug‘ilgan. 
Oilaviy muhit, maktab uni ilmga va olgan bilimini 
yosh qalblarga yetkazishga chorladi. U o‘qituvchilik 
sohasiga doir dastlabki tahsilni 1948-1952-yillarda 
Toshkent xotin-qizlar pedagogika bilim yurtida oldi va 
uning dastlabki pedagogik faoliyati Toshkent shahridagi 
23-maktabda boshlandi. Bo‘lajak olima o‘z ustida tinimsiz 
ishlashi va tajribali pedagoglar faoliyatini o‘rganishi 
natijasida tuman hamda shahar o‘qituvchilar ilmiy 
anjumanlarida o‘ziga xos ma’ruzalari bilan qatnasha boshladi. Bu yo‘l uni oliy 
ta’lim dargohlarida ta’lim olish sari yetakladi.
1952-1957-yillarda u Toshkent shahar kechki pedagogika institutining 
filologiya fakultetida tahsil oldi. Ilmiy tadqiqotga butun e’tiborini qaratgan 
Minavvar Xo‘jayevnani 1961-yilda Qori Niyoziy nomidagi O‘zbekiston 
pedagogika fanlari ilmiy tadqiqot institutiga ishga taklif etishdi. 1967-yilda esa u 
nomzodlik dissertatsiyasini muvaffaqiyatli himoya qildi. Yosh avlodga yuksak 
talablar darajasida ta’lim berishni o‘ziga maqsad qilib olgan Minavvar 
Xo‘jayevna Respublika oliy rahbar-xodimlar maktabida tinglovchilarga rus 
tilidan saboq bera boshladi.  
Minavvar Xo‘jayevna 1971-yildan boshlab ilmiy-pedagogik faoliyatini 
Nizomiy nomidagi Toshkent davlat pedagogika institutida davom ettirdi. Dastlab 
rus tili va adabiyotini o‘qitish metodikasi, so‘ngra rus tilshunosligi kafedrasida 
mudiralik qildi. Minavvar Xo‘jayevna uchun bu oliy dargohda ilm qilish, talaba-
yoshlarga saboq berish uchun keng imkoniyatlar yaratildi. Shu o‘rinda bir 
narsani ta’kidlab o‘tish kerakki, u paytlarda kafedralarda fanlar bo‘yicha o‘quv-
me’yoriy hujjatlar, darslik va o‘quv qo‘llanmalari yetishmas, borlari ham talab 
darajasida emas edi. Iste’dodli olima uzoqni ko‘zlab ish qilishga harakat qildi va 
kafedraning salohiyatini ta’minladi, zarur o‘quv adabiyotlarini yaratishda o‘zi 
ham ishladi, boshqa professor-o‘qituvchilarni ham ishlata oldi. 
Eng muhimi, Minavvar Xo‘jayevna talaba-yoshlarga chiroyli, ularni 
qiziqtirgan ma’no va mazmunga boy ma’ruza o‘qishni kanda qilmadi. Ayni 
zamonda doktorlik dissertatsiyasini ham jadallashtirdi va 1984-yilda u “Ikki tilli 
o‘quv lug‘atlarining lingvo-didaktik asoslari” mavzusidagi doktorlik 
dissertatsiyasini himoya qildi. 1985-yilda esa Minavvar Xo‘jayevna professorlik 
unvoniga tasdiqlandi.