Педагогик маҳорат асослари ва унинг таркибий қисмлари

Пантомимика – шахс ички кечинмалари, ўй-фикрлари, характерининг гавда ҳаракати ва имо-ишоралар ёрдамидаги ифодаси бўлиб, у педагог томонидан баён этилаётган муайян фикрни алоҳида ажратиб кўрсатишга, маълум қиёфа орқали гавлантиришга имкон беради

Мимика – шахснинг юз мускуллари ҳаракатлари орқали ўз фикри, ҳис-туйғулари, кайфиятини, мавжуд воқеликка нисбатан муносабатини ифодалаши. Жест (қўл ва оёқ ҳаракатлари) – муайян ҳодиса ёки объектга нисбатан муносабатнинг қўл ва оёқ ҳаракатлари ёрдамида ифодаланиши

Нутқ техникаси – нутқни тингловчига етказишда қўлланиладиган воситалар мажмуи. Нутқ техникаси учун энг муҳим ҳолат нафасни ва нутқли нафасни тўғри олиш саналади. Ўқитувчи нутқи жараёнида кифтда эмас, балк кўкрак-қорин орқали нафас олиш тўғридир. Нутқли нафас олиш товушларни тўғри ифодалашни таъминлайди

Педагогик ижодкорлик – педагогнинг касбий фаолияти самарадорлигини ошириш йўлидаги яратувчанлиги. Педагогик ижодкорлик: - ихтисослик бўйича манбаларни яратиш; - методик ишланмаларни тайёрлаш; - таълим ёки тарбия борасидаги янги шакл, метод ва воситаларни асослаш; - ўз мактабини яратиш; - педагогик муаммони ҳал этишга оид амалий таклиф билдириш ва ҳ.к.да кўзга ташланади

Педагогик тажриба – касбий фаолиятни ташкил этиш жараёнида педагог томонидан орттирилган билим, кўникма ва малакалар мажмуи бўлиб, қуйидаги йўллар билан ҳосил қилинади: 1) мустақил ўқиб-ўрганиш; 2) илғор иш тажрибалари билан танишиш; 3) илмий анжуманларда иштирок этиш; 4) ўзаро тажриба алмашиш; 5) ҳамкорликда педагогик изланишларни олиб бориш; 6) тажрибали шахслардан маслаҳат олиш ва б.

Педагогик маданият – педагогнинг касбий вазифаларни ҳал қилиш усул ва воситаларини ўзлаштирганлик, педагогик билимдонлик, такт, техника ва маданиятни намоён қила олишнинг юқори даражаси

Низо – қарама-қарши, бир-бирига тўғри келмайдиган кучлар тўқнашуви, икки ёки ундан кўп тарафлар орасида ўзаро келишувнинг йўқлигини, манфаатлар тўқнашувини ифодаловчи зиддият. Педагогик низо – педагогик жараёнда педагог ва таълим иштирокчилари (талаба, ота-она, ҳамкасблар ёки раҳбарият) ўртасидаги манфаатлар тўқнашуви, ўзаро қарама-қаршилик