Педагогик жамоада руҳий зўриқишни олдини олиш тренинги. Мақсад

5-машқ.
“Мен ўзимни таҳлил қиламан” индивидуал ишлаш
Иштирокчиларга қуёш, булут ва ёмғир томчилари тасвирланган қоғоз варақлари тарқатилади.
Кўрсатма:
Кўриб турганингиздек, Сизнинг қўлингизда қуёш, булут ва ёмғир томчилари тасвирланган варақлар. Ҳар бир инсоннинг ижобий ва салбий сифатлари мавжуд. Ижобий сифатлар бизга яшашга, мақсадга эришига, ривожланишга ёрдам берса, салбий сифатлар кўпинча ҳайтда тўсиқ, тўғаноқ бўлиб хизмат қилади.
Келинг, қуёшнинг нурлари ичига ўзимизниг ижобий сияатларимизни ёзиб чиқамиз. Агар истасангиз, қуёшнинг ўртасига ўз автопортретингизни ҳам ифодалашингиз мумкин.
Энди мана бу иккита булутда эса Сиз учун катта тўсиқ бўлаётган, муваффақиятга, мақсадга эришишингизда тўғаноқ бўлаётган иккита салбий сифатни ёзинг. Ёмғир томчиларига эса кундалик ҳаётингиздаги Сизга маъқул келмайдиган, сиз камчилик деб ҳисоблайдиган сифатлар салбий сифатларни ёзинг. Балки улар сизга яшаш учун унчалик ҳам ҳалақит бермаётгандир?
Қоғознинг орқасини ўгирсангиз, ана шу салбий сифатларингизнинг устида ишлаш алгоритмини ифодаловчи жадвал келтирилган. Шу жадвал устида ишлаб кўрайликчи.
Бажариб бўлган бўлсангиз, ким ўз алгоритмини ҳимоя қилиб беради? Кўнгиллилар борми?
Гуруҳга савол: бу методика сизга нима берди? Алгоритмни ишлаб чиқиш орқали нималарга эришингиз мумкин?
Энержайзер: “Шундай қилгинки, сенга қарсак чалишсин”.
Иштирокчилар орасидан уч кўнгилли чақирилади, улар аудиториядан чиқиб кетади ҳамда аудиториядагилар унга қарсак чалиши учун нимадир қилиш топшириғини олади.
Бу вақтда аудиторияда қолганларга шундай топшириқ берилади: “Ким кирса, унинг ҳар бир ҳаракатини такрорланг ва ўзи қарсак чалишни бошлаганидагина қарсак чалинг”.
Сўнгра аудиторияга чиқиб кетганлардан бири таклиф этилади, у давра ичига ўтиб, бирор нарса қилишни бошлайди. Ўйиннинг мазмуни шундаки, чиқиш қилаётган киши қарсак чалиши кераклигини тушуниб етиши керак ва шундагина бутун гуруҳ унга қарсак чалади.