Педагогик институтлари учун дарслик

Мавзу:Windows операцион системаси.
Максад: Windows операцион системаси буйича ўқувчилар билимини текшириш.
Материаллар: 8 та сарлавҳа ёзилган варақлардан иборат контекст комплектлар сони ҳар бири 8 та ўқувчидан иборат гуруҳлар сонига тенг бўлиши керак.
Вақт: икки академик соат.
Шакл: турунда ишлаш.
Усул: «Айланма стол».
Дарснинг бориши

1. 
   Ташкилий қисм. Синф ўқувчилари ҳар бири 8 та ўқувчидан иборат гуруҳларга бўлиниб, айлана бўйлаб ўтқазалади. Ҳар бир гуруҳ олдидаги столга 8 та сарлавҳа ёзилган варақлар қўйилади.
   
2. 
   Ўқитувчи қуйидагича тушунтириш ишини олиб боради.
   

Стол устидаги 8 та варақнинг ҳар бирининг сарлавҳасида маълум бир атама ёзилган. Ҳар бирингиз унинг тагига, ушбу атама билан боғлик бўлган бирор фикр, ғоя ёки тушунчани ёзасиз. Шундан сўнг ушбу варақни қўшнингизга узатасиз. Сиз унг тарафингиздан келган қогозни тўлдирасиз ва яна кўшнингизга ўзатасиз токи биринчи тулдирилган варақингиз қайтиб келгунча.
3.Гуруҳлар ишини бошлайдилар.
4. Мухокама босқичи бошланади. У қўйидагича ташкил этилади:
а) бирор гуруҳнинг вакили ўзининг варақасини доскага илиб, ўз гуруҳининг ғояларини ўқиб беради.
Масалан:

• 
  Ойна - бу Windowsнинг асосий элементи.
  
• 
  Ойна фаоллашган булиши мумкин, унда у кўк рангда ажралган бўлади.
  
• 
  Ҳар бир ойнани ўзининг сарлавҳаси бор.
  
• 
  Ойналар уч кўринишида бўлади - тўла экранли, нормал ва пиктограмма.
  
• 
  Ойнани фаоллаштириш учун унинг устида сичконча туғмагасини бир марта босиш керак.
  
• 
  Ҳужжатлар ойнаси ва мулоқот ойнаси бор.
  
• 
  х - ойнани ёпиш.
  

б) битта гуруҳ вакили доскада тушунтираётган пайтида, колган гуруҳдаги ўқувчилар бир ҳил ғояларни чизиб ташлайдилар. Шундан сўнг иккинчи гуруҳ вакили ўзининг вароқини доскага илиб, колган ғояларини ўқиб беради.
в) колган гуруҳлар ўкувчилари ҳам ўз ғояларини ўқиб бергандан сўнг мухокама тўхтатилади.

Лаборатория ишлари қуйидаги қисмларидан иборат:

• 
  мавзу;
  
• 
  ажратилган соат;
  
• 
  керакли аппарат ва дастурий таъминотлари;
  
• 
  асосий ўқув мақсади;
  
• 
  вазифалар.
  

Мисол сифатида «Windows операцион системаси» мавзуси бўйича биринчи лаборатория ишини келтирамиз.