Pedagogik dasturiy vositalar

Elektron darslik nazariy materialni mustaqil oʻrganishga moʻljallangan boʻlib, unung gipermatnli tuzilishi individual taʻlim traektoriyasi bilan ishlash imkoniyatini beradi. Elektron xrestomatiya – darslik mazmunini toʻldiruvchi matnlar toʻplamidir. Xrestomatiya tarkibiga xujjatlar, badiiy asarlar va ulardan parchalar kiritilishi mumkin. Xrestomatiyaga kiritilgan matnlarning xususiyatlari yoritilgan metodik koʻrsatmalar talaba uchun muhim ahamiyat kasb etadi. Ushbu koʻrsatmalar matn bilan oʻquv materiali orasidagi bogʻlanishni amalga oshiruvchi hamda talabalarning seminar va amaliy mashgʻulotlarga tayyorlanishida yoʻnaltiruvchi vosita hisoblanadi.
Elektron maʻlumotnoma foydalanuvchiga zarur vaqtda kerakli axborotni kompakt shaklda tezkor olish imkoniyatini beradi. Odatda elektron maʻlumotnoma terminlarning roʻyxatidan iborat boʻlib, roʻyxatning har bir elementi giperaktiv hisoblanadi, yaʻni uni faollashtirish natijasida termin mazmuni, tarjimasi yoki izoxi keltirilgan giperssilkaga murojaat etiladi. Elektron maʻlumotnomaning mavjudligi ixtiyoriy OʻUM uchun zaruriy shart hisoblanadi.