Pazandachilik asoslari

Ikkinchi usulda:
 
mahsulotlar to‘g‘ralib, uning 1/3 qismi sardak bilan 
aralashtiriladi va salat idishiga uyib solinadi. Ustiga go‘sht, baliq, parranda, 
qisqichbaqa , tuxum qo‘yib, tuzlangan bodring, pomidor va ko‘katlar bilan 
bezaladi. Qolgan mahsulotlar kesilib, salat atrofiga terib chiqiladi. Bezalgan 
mahsulot ustiga sardak (quyilmaydi). 
Ko’k salat. 
Yuvib, saralangan salat barglari 3-4 ga bo‘linadi yoki somoncha 
shaklida to‘g‘raladi va likobcha yoki salat idishga uyib solinib, ustidan salat 
sardagi yoki smetana quyiladi. Yarimta yoki chorakta pishgan tuxumni pallacha 
shaklida to‘g‘rab, salat ustiga qo‘yib berish ham mumkin. Bunda shu miqdorga 
salat vazni oshiriladi. Agar bu salat go‘sht, baliq, parranda taomlariga qo‘shimcha 
garnir sifatida berilsa, mahsulot maydaroq to‘g‘ralishi lozim. 
Yangi bodring salati. 
Ishlovdan o‘tgan yangi bodring tilim-tilim yoki parrak-
parrak shaklida to‘g‘ralib, salat idishiga yoki likobchaga solinib, ustidan salat 
sardagi yoki smetana quyib, ko‘kat yoki salat bargi bilan bezaladi. 
Ko’k piyoz salati. 
Birlamchi ishlovdan o‘tgan ko‘k piyoz uzunligi 1 - 1,5 sm 
qilib to‘g‘ralib, tuz bilan aralashtirilgan zahoti likobcha yoki salat idishiga uyib 

---

69 
solinadi, atrofi pallacha shaklda kesilgan pishgan tuxum bilan bezalib, ustidan 
smetana quyib beriladi. 
Rediska salati. 
Qizil rediska barg va uch qismidan tozalanib, yaxshilab 
yuviladi. Oq rediskaning po‘sti tozalanishi lozim. Tayyorlangan rediska parrak-
parrak shaklida to‘g‘raladi. Ishlovdan o‘tgan ko‘k piyoz mayda to‘g‘ralib, tuz, 
rediska bilan aralashtirilib, salat idishga uyib solinadi, atrofi pishirib pallacha 
shaklda to‘g‘ralgan tuxum va ko‘kat bilan bezalib, ustidan salat sardagi yoki 
smetana quyiladi. Yana tuxum sarig‘i ajratilib kesib ichiga qo‘shilishi, oqi esa 
mayda to‘g‘ralib, to‘g‘ralgan ko‘kat bilan aralashtirilib, salat ustidan sepib berilishi 
ham mumkin.