Payvandlash jihozlari

2.1.7-rasm. Yoy og‘ishining tok qanday kelishiga bog‘liqligi.
Elektrodning qiyalik burchagi ham yoyning og‘ishiga katta ta’sir ko‘rsatadi (2.1.8-rasm).

2.1.8-rasm. Elektrod qiyaligining yoyning og‘ishiga ta’siri.

Yoyning og‘ishiga ta’sir qiluvchi kuchi faktor ferromag- nitaviy massadir: katta massali payvandlanuvchi buyumlar (ferromagnitaviy massalar) havoga nisbatan katta magnitaviy singdiruvchanlikka ega bo‘ladi, magnitaviy kuch chiziqlari esa hamma vaqt kam qarshilikli muhit orqali o‘tishga hara- kat qiladi, shuning uchun ferromagnitaviy massaga yaqin turgan yoy razryadi hamma vaqt uning tomoniga og‘adi (2.1.9-rasm).

2.1.9-rasm. Payvandlashda yoyning og‘ishiga ferromagnit massalarning ta’siri:
a — massiv detal tomonga; b — burchak chokini payvandlashda;
d - uchma-uch ajratib chokni payvandlashda; e — uchma-uch chokni payvandlashdagi og‘ishlar.

Magnitaviy maydonlar va ferromagnitaviy massalarning ta’siri- ni hamma vaqt tok keltiruvchi simlarning o‘rnini almashtirish, elektrod qiyaligini o‘zgartirish, simmetrik maydon hosil qilish uchun vaqtincha ferromagnitaviy materiallar qo‘yib turish va o‘zgarmas tokni o‘zgaruvchan tok bilan almashtirish yo‘li bilan bartaraf qilish mumkin.

5. 
   Erigan metalni yoy fazosi orqali o‘tkazish
   

Erigan metalni o‘tkazish (ko‘chirish)da og‘irlik kuchi, sirt ta- rangligi, elektromagnitaviy maydon va gazlarning ichki bosim kuchi ta’sir qiladi.
Og‘irlik kuchi tomchining xususiy og‘irligi ta’sirida pastga sil- jishga intilishida namoyon bo‘ladi. Pastki vaziyatda payvandlash vaqtida og‘irlik kuchi tomchini payvandlash vannasiga o‘tka- zishda musbat rol o‘ynaydi; vertikal holatda, ayniqsa, shipdagi narsalarni payvandlashda bu kuch elektrod metalni o‘tkazish (ko‘chirish)ni qiyinlashtiradi.