Payvandlash jihozlari

7.15-rasm. Gorizontal choklarni payvandlash.

Ship choklarni payvandlash. Ship choklarni payvandlash, ayniqsa, qiyin. Bunday choklar iloji boricha kalta yoy bilan pay- vandlanadi. Ship choklarning payvandlashni osonlashtirish uchun elektrod metaliga qaraganda qoplami qiyin eriydigan elektrodlar ishlatiladi. Bunday hollarda qoplam elektrod uchida erigan metall tomchilarini ushlab turadigan nov hosil qiladi (7.16-rasm). Pay- vandlash jarayonida elektrodning uchi vannaga dam yaqinlashti- rib, dam uzoqlashtirib turiladi. Elektrodni uzoqlashtirganda yoy o‘chadi va chok metali qotadi.

7.16-rasm. Ship choklarni payvandlash.
Ship choklarni payvandlash yirik konstruksiyalarni qurish- da, quvur uzatmalarni buralmaydigan uchlarini payvandlashda, ta’mirlash payvandlashda va shu kabi boshqa ishlarda, ya’ni pastki holatlarda payvandlash mumkin bo‘lmagan vaziyatlarda ishlatiladi.
Turli uzunlikdagi choklarni payvandlash usullari. Barcha choklarni uzunligi jihatidan uch guruhga bo‘lish mumkin:
qisqa choklar — 250 mm gacha;
o’rtacha uzunlikdagi choklar — 250 mm dan 1000 mm gacha;
uzun choklar — 1000 mm va undan keyin.
Qisqa choklar chokning boshidan oxirigacha bir yo‘nalishda payvandlaniladi (7.17-rasm). O‘rtacha uzunlikdagi choklar birik- maning o‘rtasidan boshlab chekkalariga qarab payvandlanadi (7.18-rasm) yoki teskari bosqichli usulda payvandlanadi (7.19- rasm). Teskari bosqichli payvandlash usuli quyidagicha kecha- di, ya’ni payvandlash yo‘nalishiga teskari payvandlanadi lekin payvandlash yo‘nalishi bo‘ylab ketadi. Har bir payvandlab qay- tish qadami 100 — 350 mm chegarasida bo’ladi. Uzun choklarni teskari bosqichli usulda chokning o‘rtasidan chekkalariga qarab payvandlanadi (7.20-rasm).

7.17-rasm. Qisqa choklarni bir o’tishda payvandlash (A -payvandlash yo‘nalishi).