Paxta tozalash zavodining texnologik jarayonini loyihalash

3.11.2Yong’inga qarshi suv ta’minoti

Odatda o’t o’chirish uchun ishlatiladigan suv katta bosim ostida kuchli oqim orqali alangalanayotgan joyga yo’naltiriladi.
Bunig uchun etarli bosimni shahar sharoitida umumiy shahar vodoprovod tarmoqlari orqali hosil qilinadi.
Past bosimga mo’ljallangan vodoprovod tizimidagi suv bosimi ma’lum miqdordagi suvni er yuzasidan kamida 10 m uzoqlikda otishi kerak.
Yuqori bosimga mo’ljallangan vodoprovod tizimida esa ma’lum miqdordagi suvni stvollar yordamida binoning eng yuqori nuqtasidan kamida 10 m uzoqlikka otib berishi kerak.
Bunday vazifalar vodoprovod baklarini etarli darajadagi ba-landlikka o’rnatish bilan yoki ayrim hollarda nasoslar yordamida bajariladi. Sanoat korxonalarida o’t o’chirish uchun zarur bo’ladigan suv miqdori sanoat korxonasining yong’in toifasiga, binolarining o’tga chidamlilik darajasiga va uning umumiy hajmiga qarab belgilanadi.
Agar yong’inni o’chirish uchun vodoprovod quvurlarlaridan suv olishning texnik tomondan mumkin bo’lmasa, unda suv saqlovchi qurilmalar quriladi. Bunday suv saqlovchi qurilmalardan yong’in vaqtida olinadigan suvning maksimal miqdori 3 soatga etadigan bo’lishi kerak.Yong’inga qarshi qurilgan vodoprovod tizimiga ikkita suv quvuri bilan ulanadi.
Yong’inga qarshi gidrantlar sanoat korxonasi maydonida bir-biridan 100 m dan ortiq bo’lmagan masofada joylashtiriladi, ular bino devoriga va ko’chalar kesishgan joylarga 5 m dan yaqin bo’lmasligi kerak.
Yong’inga qarshi vodoprovod har qanday sanoat korxonasida o’rnatilishi shart. Binolari 1 va 11 darajadagi ba’zi o’tga chidamli konstruktsiyalardan qurilgan G va D toifadagi sanoat korxonalari bundan mustasno.
Yong’inga qarshi vodoprovodlar binolar ichida sanoat maqsadlarida qurilgan vodoprovodlar bilan birlashtirilishi mumkin.
Yong’inni binoning ichkari tomonidan o’chirishga mo’ljallangan vodopprovodlardagi suv miqdori, ikki joydan kuchli oqim sifatida suv berilganda, har biri 2,5 l/s suv miqdorini ta’minlay olishi kerak va kamida suvni 6 m masofaga etkazishi shart.
Yong’in o’chirish englari yumshoq to’qima materiallardan tayyorlanishi va diametri 51 va 66 mm li qilib tayyorlanadi. Ularnig uzunligi 10 va 20 m. Bino ichkarisida o’rnatilgan yong’in kranlari (gidrantlari) pol yuzasidan 1,35 m balandlikda va gidrantlar oralig’i 10 yoki 20 metrda o’rnatiladi.