Paxta tolasini ajratish, bu jinlarda tolani chigitdan ajratish jarayoni

13-rasm. 5 DP-130 rusumli paxtani jinlash mashinasi. 
Xom ashyo valigining aylanish tezligi, arrali tsilindrning aylanish tezligiga 
qaraganda bir necha marta kam bo’ladi. 
Agarda xom ashyo valigining bosimi faqat arrali tsilindrning tishlariga tushgan 
holdagina, uning tezligi arralar tezligiga teng bo’lar edi. Haqiqatda esa, uning bosimi 
kameraning ichki devorlariga ham tushganligi uchun bu yerda ishqalanish kuchlari hosil 
bo’lib, ular paxtaning aylanishiga qarshilik ko’rsatganligidan xom ashyo valigining 
aylanishiga qarshilik ko’rsatganligidan xom ashyo valigining aylanish tezligi arrali 
tsilindrning aylanish tezligidan ancha kam bo’ladi. Ish kamerasining devorlariga bo’lgan 
bosim xom ashyo valigining zichligiga bog’liq. Xom ashyo valigi qancha zich bo’lsa, 
normal bosim ham shuncha katta bo’ladi.
Xom ashyo valigining zichligi esa ta’minlagichdan tushayotgan chigitli paxtaning 
va xom ashyo kamerasidan chiqayotgan chigitlarning miqdoriga bog’liq. Xom ashyo 
valigining aylanish tezligi ish kamerasining ko’ndalang qirqimidagi har xil zonalarida har 
xil bo’ladi.