Патологик физиология

7 БОБ 
БОЛАЛАРДА И М М У Н Т И З И М И Н И Н Г П А Т О Ф И З И О Л О Г И Я С И 
Умумий тушунча 
Иммунология етишмовчилик ёки иммунодефицит ҳолат деганда тугма 
(ирсий) ёки иммун системани орттирилган дефицита тушунилади ва бу 
организмни гуморал ва (ёки) ҳужайра реакциялари амалга ошириш 
қобилиятининг йўқлиги билан намоён бўлади. 
Бирламчи ва иккиламчи иммун дефицит ҳолатлар фарқ қилинади. 
Бирламчи (тугма, ирсий) иммунологик етишмовчилик деб иммун 
системанинг у ёки бу звеносини генетик ҳолатига боғлиқ бўлган дефе кти 
тушунилади. 
Ю.П.Лопухин ва Р.В.Петров (1974 й) ларнинг патотенетик таснифи 
бўйича иммун системанинг генетик дефектларининт даражалари ҳар хил 
бўлиши мумкин. 
Дефектнинг қон яратувчи ўзак ҳужайрада бўлиши қон яратишнинг ва 
лимфопоэзнинг тўла аплазиясига олиб келади ёки ўзак ҳужайрасининг Т-ва 
В-лимфодитларга айлантириш қобилиятининг йўқолиши билан 
чегараланади. 
Айрим генетик блокларни бўлиши иммунитетнинг Т- ёки В-
системаларини бутунлай ёки қисман издан чиқишига олиб келади. 
Генетик блок (қамал)ларда иммунологик етишмовчиликнинг ҳар хил 
комбинациялари юз беради. Хозиргача таклиф қилинган классификацияларга 
мувофиқ бўлиши мумкин бўлган бундай генетик дефидит холларнинг 
умумий сони 12 га тенг. Ш у н и кайд килиш керакки, иммунитетни Т- ва В-
системаларини аниклайдиган усуллари кўпайгани ва такомиллашгани сари 
тугма иммунологик етишмовчиликнинг янги шакллари топила боради. 
Бирламчи иммунологик етишмовчилигига боғлиқ, касалликларга нафас 
органларининг қайталанувчи яллигланишли жараёнлари,. хазм қилувчи 
органларнинг яллиғланиши, болаларнинг ўсиши, вазни, ривожланишнинг 
орқада қолиши кабилар киради. Бундай болалар даволанмаса одатда 6-12 ой 
ичида халок бўладилар. 
Касаллик диагнози клиник ва иммунологик тадқиқот усулларидан 
олинган натижаларга асосланади. Бундай беморларни даволаш мураккаб 
бўлиб, суяк қўмиги трансплантацияси, иммуноглобулинлар юбориш, 
антибактериал герапияларни ўз ичига олади. Касаллик прогнози нохушдир. 
Иккиламчи ёки орттирилган иммунологик етишмовчилик деганда, ташки 
мухитнинг кўп сонли зарарловчи омилларининг нормал иммун системага 
таъсиридан юзага келган дефект тушунилади. Иккиламчи иммун дефицитли 
ҳолатлар иммуногенезнинг қандайдир босқичининг генетик ўзгаришлари 
билан боғлиқ эмас. 
Физиологик (табиий) ва патологик иммунологик етишмовчиликларни 
фарқ қилинади. 
162 

---

3 ойгача бўлган гўдакларда физиологик иммунологик етишмовчилик 
кузатилади. Соглом тугилган болаларни қонида онасидан ўтган IgG жуда кам 
микдорда хусусий (ўзи ҳосил қилган) Ig G, Ig M, Ig A лари мавжуддир 
Онасидан ўтган иммуноглобулинлар таркибида, онаси контактда бўлган 
ҳамма микробларга қарши антителолар бўлади. шу туфайли гўдак хаётнинг 
биринчи ойлари давомида шу микроблардан ҳимояланган ҳисобланади. 
Кейинчалик онадан ўтган иммуноглобулинларнинг миқдори аста-секин 
камая боради ва ўзининг хусусий иммуноглобулинлари бола қонида орта 
боради. Гўдакда бундай иммунологик етишмовчилик ўзоқ, давом этмайди, 
кейинчалик тиклангани учун, бу ходисани транзитор иммунологик 
етишмовчилик дейилади. Қари организмда иммун системанинг сўниб 
бориши натижасида табиий иммунологик етишмовчилик кузатилади. 
Патологик иммунологик етишмовчилик куйидаги касалликларда 
учрайди: 
1)ҳархил касалликларда, айниқса қорин бўшлиғи органларининг огир 
яллиғланишли жараёнларида, юқумли касалликларда (қизамиқ, қизилча, 
мохов), онкологик касалликларда; 
2)Огир токсинли жараёнларда; 
Цитостатик (иммунодепрессив ёки иммунсупрессив) воситалар, 
алкилловчи моддалар, пурин ва пиримидин асосларининг 
антиметаболитлари, фолат кислотанинг антогонистлари, глюкокортикоид 
гормонларнинг препаратлари, метафазли заҳарлар, холиннинг ҳосилалари 
таъсирида; 
Иммундепрессив ҳолатларда - тимусни ёки периферии лимфоид 
система органлари - талоқ, лимфа тугунларини олиб ташланганда пайдо 
бўлади, яна бу ҳолат қон ва лимфа орқали рециркуляция қилучи 
лимфоцитларни чиқариб ташланганда, организмни рентген ва гамма нурлари 
ёки бошда ионлаштирувчи нурлар билан нурлантирилганда, антилимфоцитар 
ёки антиглобулинли иммун зардоблардан фойдаланганда келиб чикади. 
Иккиламчи иммунологик етишмовчиликда организмни инфенцияларга 
сезгирлиги ортади, организмга кўчирлган бегона тўқималарнинг яшаш даври 
ўзаяди, ёмон хоссали ўсмаларнинг пайдо бўлиши тезлашади. Иккиламчи 
иммунологик етишмовчилигида иммунитетнинг Т- хамда В-системалари 
алохида, кўпинча иккала система биргаликда шкастланади. 
Орттирилган иммунологик етишмовчиликни диагностикаси тугма 
иммунологик етишмовчиликдаги мезонлари (критерийлар) бўйича амалга 
оширилади.