Патологик физиология

Патогенезда нерв системасининг аҳамияти. 
Нерв системаси инсонни соғ ҳолатда (нормада) ҳамда касалланганда 
уни ҳимоя-мослашув реакцияларини шаклланишида катта аҳамиятга эга. 
Кўпчилик касалликларда шартли ва шартсиз патологик рефлекслар 
шаклланади. Нерв системасининг трофик функциясини бузилиши 
натижасида ички органларда патологик ўзгаришлар содир бўлади. Бош мия 
пўстлоғи функцияларининг бузилишидан неврозлар пайдо бўлиб, бунинг 
оқибатида организмни этиологик омил таъсирига мое жавоб реакция бериш 
қобилияти йўқолади. 
Касалликлар патогенезида патологик доминантлар изма - из 
реакциялар, пўстлоқ, пўстлоқ ости муносабатларининг ўзгаришлари катта 
аҳамиятга эга. 
Патогенезда эндокрин безларнинг аҳамияти. 
49 

---

Норма ва патологияда организмнинг алоҳида органлари ва 
системаларининг функцияларини гуморал регуляцияси механизмларида ички 
секреция безларининг гормонлари муҳим аҳамиятга эга. Ҳамма эндокрин 
безлар организмнинг бошқа органлари билан чамбарчас боғлиқ ва улар бир-
бирига таъсир кўрсатади. 
Ички секреция безларининг патологияси организмнинг ҳамма 
органлари ва системаларининг функцияларига салбий таъсир кўрсатади. 
Умумий патогенез ҳақидаги тушунчаларга Г.Селъенинг умумий 
адаптацион синдроми ҳақидаги таълимоти катта таъсир кўрсатади. 
Касалликларнинг умумий патогенетик механизмлари. 
Касалликларни пайдо бўлиш механизмлари мураккабдир. Шартли 
равишда касалликларнинг пайдо бўлишининг баъзи патогенетик 
механизмларини кўрсатиш мумкин. Буларга куйидагилар киради: 
1.Патоген омилларни организмнинг ҳужайралари, тўқималари, 
органлари ва системаларига бевосита таъсиридан шикастланиш 
келиб чиқиши мумкин. 
2.Касалликларни пайдо бўлиши ва ривожланиш механизмларида нерв 
системасининг рефлектор ва трофик функцияларини бузилиши ҳал 
қилувчи аҳамиятга эга бўлиши мумкин. 
3. Касалликларни пайдо бўлиш механизмларида ички секреция 
безларининг гуморал регуляциясининг бузилиши ҳал қилувчи 
аҳамиятга эга бўлиши мумкин. 
4.Касалликларни пайдо бўлиши ва тараққий этиш механизмларида 
моддалар алмашинувининг ва организмни ички муҳитининг 
доимийлигини бузилиши ҳал қилувчи аҳамиятга эга бўлиши 
мумкин.