Patent axborotini qidirish va tahlil qilish usullari

Ushbu ma’lumotlar bazalari bilan ishlash quyidagi bosqichlardan iborat:

    1.Ma’lumotlar bazalariga ulanish. Ma’lumotlar bazalariga http://www.epo.org manzilini terib yoki bevosita http:// ep.espacenet.c’m/. EPI veb sayti orqali chiqish mumkin. Ma’lumotlar bazalariga ulangandan so‘ng kompyuterda “B1- esp@cenet–your gateway to patents” oynasi paydo bo‘ladi. Ma’lumotlar bazalari bilan nafaqat ingliz, balki nemis va fransuz tillarida ishlash mumkinligiga e’tiborni qaratamiz

2. Foydalanuvchiga uchta faol darcha taklif etiladi:

·       Simple Text- mavzuviy va predmetli qidirish uchun;

·       View a patent application- nomerlar bo‘yicha qidirish uchun;

·       Company name search- nom bo‘yicha qidirish uchun.

    Qo‘yilgan qidirish vazifasiga bog‘liq holda tegishli qidirish topshiriqlari to‘ldiriladi va Search bosiladi.

    3. Agar kengaytirilgan mezonlar sonidan foydalanib qidirish o‘tkazilishi zarur bo‘lsa, quyiroqda ko‘rsatilgan, masalan, “World wide- 30 million documents” bosiladi. Bunda 2–rasmda ko‘rsatilgan qidirish sahifasi paydo bo‘ladi.

Bu yerda faol darchalarga bizdagi mavjud qidirish mezonlarini kiritish mumkin. Masalan, agar bizning vatandoshimiz ixtirochi Zarif Tadjiboevning qanday talabnoma yoki patentlari borligini ko‘rmoqchi bo‘lsak (ma’lumot uchun shuni aytib o‘tamizki, u RST tizimi bo‘yicha xalqaro talabnoma bergan birinchi o‘zbek ixtirochisi) tegishli darchada lotin harflari bilan uning ismi va familiyasini terish kifoya. Bunday qidirish natijalari 3–rasmda ko‘rsatilgan.

    4. Endi topilgan har qanday talabnoma yoki patentlar, masalan, ERO794277 patentini ko‘rib chiqish mumkin. Agar biz buni tanlasak, “B2–esp@cenet- Document Viewer Navigation” sahifasini ko‘ramiz.

    Bu yerda patentning to‘liq bibliografik ma’lumotlari va referat keltiriladi. Yuqorida ko‘rsatilgan  faol menyudan foydalanib ixtiro tavsifi (Desc), formula (Claims) va chizmalar (Drawing) ni ko‘rish mumkin.

    5. Agar biz Wo9616219ga bossak Butunjahon intellektual mulk tashkilotining ma’lumotlar bazalari bilan aloqa o‘rnatamiz va ushbu xalqaro talabnomaning faksimil tasvirini ko‘rishimiz mumkin.

    6. Xulosada shuni ta’kidlaymizki, barcha izlab topilgan patent axboroti keyinchalik tahlil qilish, printerda bosib chiqarish va hokazo uchun kompyuterning qattiq disketalarida saqlanishi lozim.