«turon-iqbol»

Ilk qadam
AYOLLAR
Onalik baxtini tuyib va yana,
Farzandlar baxtini ko‘rsin ayollar.
Bu nafis bog‘ aro eng nozik xilqat,
Dunyo turgunicha tursin ayollar.
 
Qalbida bebaho mehr mujassam,
Bir parcha allada sehr mujassam.
Yuragin hech qachon bosmay turib g‘am,
“Eng baxtli o‘zimman” desin ayollar. 
Omonat umrni baxt ichra yashab,
Kundan-kun yosharsin bahordek yashnab.
Va endi ochilgan g‘unchaga o‘xshab,
Bahorni yanada sevsin ayollar. 
Eng nafis tuyg‘uni so‘zda kashf etib,
Olamning chiroyin yuzda kashf etib.
Dillarga bir ajib quvonch baxsh etib,
Dunyoni to‘ldirib kulsin ayollar. 
Har biri joy tanlab jannat bog‘idan,
Duoga qo‘l ochsin sahar chog‘idan.
Ollohga hamd aytib baxt-iqbolidan,
Hojilik libosin kiysin ayollar. 

---

158