T. N. Xojiyev 0 ‘zMUo'qituvchisi

Abu  Ali  ibn  Sino  (980-1037-yy.)  fikricha,  ijtimoiy  munosabatlar 
odamlar o ‘rtasidagi tafovut va tengliksizlik natijasidir.  Xususan, Ibn Sino 
“iqtisodiy  va  ijtimoiy  hamda  shaxsiy  xususiyatlarga  ko‘ra  tengsizlik 
inson  ijtimoiy  faolligi  sababi  hisoblanadi”,  deb  ta’kidlaydi.  Ideal  davlat 
qurish  esa  jamiyat  a’zolarining  ma’naviy-axloqiy  ravnaqi  bilan 
bogMiqdir.  Uning  fikricha,  ma’naviy,  axloqiy  qadriyatlaming  yuksak

---

qadrlanishi  nafaqat  har  tomonlama  farovonlikni,  balki  jamiyatda  adolat 
va barqarorlikni ham ta’minlaydi.
Bu  davrda  Sharqda  ijtimoiy  adolat,  ma’rifat  va  tenglik  nafaqat 
nazariy me’yor,  balki  amaliy hayot m e’yori, ijtimoiy-siyosiy muammolar 
yechimini  topish  va jamoa  bo‘lib  yashashning  asosi  sifatida  tushunildi, 
fozil  jamiyatni  (fuqarolik jamiyatining  ilk  loyihasini)  shakllantirishning 
ma’rifatli  yo‘li  tanlangan  bo  Isa,  Yevropa  ijtimoiy-siyosiy  tafakkurida 
esa  xristianlik  dogmatikasi  hukmronlik  qilib,  jamiyatni  diniy  va 
dunyoviy  manfaatlar  o'rtasida  kurashlar  tufayli  “diniy”  ta’limot  asosida 
namoyon bo‘ldi.
Mutafakkir  Yusuf  Xos  Hojib  o‘zining  “Qutadg‘u  bilig”  dostonida 
davlami  boshqarish amallari, qoidalari  va siyosiy-axloqiy munosabatlami 
jamiyatda  qaror  toptirishga  e’tibor  qaratdi.  U  davlat  boshqaruvi  va 
xizmatini  tashkil  etish  turlarini  hamda  uning  turli  darajalarga  muvofiq 
sifatlarini  tasniflaydi.  Jumladan,  “Shohlikka  da’vogarlar onadan  ajib  bir 
iste’dod bilan tug'iladilar va ular darhol yaxshi-yomonni  ajratish fitratiga 
ega bo'ladilar.  Bundaylarga Xudo  idrok,  farosat va yumshoq  bir ko‘ngil 
ato  etadi,  qolaversa,  yaxshi  ish  yuritish  uquvi  bilan  ham  siylaydi”,  deb 
ta’kidlaydi.
Adolatli  davlat  boshqaruvi,  uning  mukammal  nazariy  asoslarini 
yaratish  borasida  ulkan  ilmiy  meros  qoldirgan  o‘rta  asrlar  mutafakkiri, 
davlat  arbobi  Nizomulmulkning  “Siyosatnoma”  asari  muhim  manba 
hisoblanadi.  U  mansabdorlami  axloqiy  fazilatlariga qarab tanlash,  adolat 
va 
insofni 
oyoqosti 
qiladigan 
kishilami 
davlat 
ishlariga 
aralashtirmaslikni,  davlatni  boshqarishni  kengash  bilan  olib  borish, 
boshqaruv  faoliyatlarini  muntazam  nazorat  qilish,  itoat,  ijro  va  uning 
sifati  to‘g‘risidagi  qarashlari  hozirgi  davrda  ham  o‘z  ahamiyatini 
yo‘qotgani  yo‘q.  Ayniqsa,  Nizomulmulkning  “ko‘pchilik  bo'lib  qabul 
qilingan  tadbir  eng  savobli  bo‘ladi  va  shunday  yo‘l  tutish  kerak”  degan 
fikri  ajdodlarimizning  davlat  qurilishining  adolatli  tartibotlariga  katta 
e ’tibor berganligidan dalolatdir.
Ijtimoiy-siyosiy  taraqqiyotning  m a’naviy  asoslarini  o'rganishda 
0 ‘rta  Osiyoda  vujudga  kelgan  ta sa w u f  ta’limotining  ahamiyati  ham 
alohida  muhim  o ‘rin  tutadi.  T asaw u f garchi  islom  bag‘rida  ildiz  otib, 
Qur’on  va  hadislar  hikmatidan  oziqlangan,  ko‘p  hollarda,  shariat 
ahkomiga  suyangan  bo‘lsa-da,  u  rasmiy  diniy  aqidaparastlik  va 
mutaassiblikka  hamda  hokim  tabaqalarning  aysh-u  ishratlarga  g‘arq 
bo‘lgan  turmush  tarzi,  talonchilik  va  manfaatparastlikka  zid  oMaroq, 
mehnatkash xalq noroziligini  ifodaladi.  T asaw uf ta’Iimoti asosida adolat,

---

haqiqat, 
to‘g‘rilik, 
mehr-shafqat, 
insof, 
iymon, 
e’tiqod, 
ilm, 
mehnatsevarlik,  vatanparvarlik  kabi  umuminsoniy  qadriyatlami  targ‘ib 
qiluvchi  futuw atga  asoslangan  bir  qancha  diniy,  siyosiy  oqimlar  paydo 
bo'ldi.  Ular  jamiyatning  axloqsiz  unsurlariga  g'oyaviy  kuch  sifatida 
qarshi qo‘yildi.
Ijtimoiy-siyosiy  tafakkur  rivoji  va  huquqiy  davlat  va  adolatli 
jamiyatining  asosiy  sharti  -   qonun  ustuvorligi  tamoyilini  amaliyotda 
qo'llash  tajribasini  Sharqning  buyuk  davlat  arbobi  va  sarkardasi  Amir 
Tem um ing  (1336-1405-yy.)  boy  ijtimoiy-siyosiy  va  ma’naviy  merosi 
misolida  ko‘rish  mumkin.  Uning  tuzuklarida  davlat  tizimi,  uni  idora 
qilish  uslublari  va  vositalari,  undagi  turli  lavozim-vazifalar  darajasi, 
tabaqalarning toifalanishi,  harbiy qo‘shinlaming tashkil  etilishi, jang olib 
borish  mahoratlari,  davlat  xizmatchilari  rag'batini  tashkil  etish  omillari, 
adolatli  soliq  turlarining  joriy  etilishi,  mamlakatni  obodonlashtirish 
tadbirlari  milliy  davlatchilikning  yuksak  madaniy  va  huquqiy  darajada 
shakllantirishga  erishganligidan  dalolat  beradi.  “Har  mamlakaming 
yaxshi  kishilariga  men  ham  yaxshilik  qildim,  nafsi  yomonlar,  buzuqlar 
va  axloqsiz  odamlami  mamlakatimdan  quvib  chiqardim.  Pastkash  va 
razil  odamlarga  o‘zlariga  loyiq  ishlar  topshirdim  hamda  hadlaridan 
oshishlariga  yo‘l  qo'ymadim.  UlugMami  va  sharaf-e’tiborli  kishilami 
hurmatlab,  martabalarini  oshirdim.  Har  mamlakatda  adolat  eshigini 
ochdim,  zulm-u sitam yo‘lini to‘sdim”.
Ma’lumki,  fuqarolik  jamiyatining  unsurlaridan  biri  bu  jamiyat 
hayotiyligini 
va 
samaradorligini 
ta’minlovchi 
kuch 
-  
qonun 
ustuvorligidir.  Shu  jihatdan,  Sohibqiron  Amir  Temuming  quyidagi 
so'zlari  hozirgi  zamon  bilan  hamnafasdir:  “Tajriba,  -   deb  yozadi  u,  -  
menga shuni  ko‘rsatdiki,  din va qonunga tayanmagan  hukumat,  o'zining 
buyuk  qudratini  uzoq  vaqt  saqlab  tura  olmaydi.  Uni  har  qanday  yovuz 
kishi  kirishi  mumkin  bo‘lgan  na tomi,  na  eshigi,  na  derazalari  bor  uyga 
o ‘xshatish mumkin.  Shuning uchun men o‘z saltanatimni  islom arkonlari 
va boshqaruvda o‘zim qat’iy amal qiluvchi qonunlar asosiga qurdim”.
Shu nuqtayi  nazardan, muvaffaqiyatli  boshqaruv qonuniyatiga ko‘ra, 
Amir  Temur  rahbaming  adolatga  tayanib  ish  ko'rishini  talab  etgan. 
Uning  fikricha,  “Rahbar  uchun  barcha  ishlarda  adolatga  amal  qilishi 
kerak:  u  sotilmaydigan  va  fazilat  egasi  bo‘lgan  odamni  vazirlikka 
tayinlashi  lozim,  chunki  adolatli  vaziming  o ‘zi  mahdud-rahbar  qilgan 
adolatsizliklami  to‘g‘rilashi  mumkin,  ammo  vaziming  o‘zi  shunday 
bo'lsa,  halokat yaqindir”.  Sohibqiron  fikricha,  davlat  boshqaruvida yana 
bir muhim qonuniyat -  qonun ustuvorligidir:  “Qat’iy tartib va qonunlarga

---

amal  qilishim  baxt-saodatim  kaliti  bo‘ldi”.  U  asosiy  qonunlar  sifatida 
diniy  ahkomlami  va  ular  asosida  yozilgan  fikrlami  bildi.  Ko'rinib 
turibdiki,  Amir Temur  adolatli  va  fozil  boshqaruvga asoslangan jamiyat 
qurishga muhim e’tibor bergan.
Komil  insonlar  yashaydigan  jamiyat  haqidagi  g‘oyalar  Alisher 
Navoiyning  (1441-1501-yy.)  siyosiy  va  adabiy  faoliyati  asosi  bo‘ldi. 
Navoiy  ideal  ijtimoiy-iqtisodiy  tuzum  haqidagi  qarashlarini  o'zining 
“Saddi  Iskandariy”,  “Mahbub  ul-qulub”,  “Tarixi  anbiyo  va  hukamo” 
(“Payg‘ambarlar  va dononishmandlar  tarixi”  va boshqa  asarlarida  talqin 
etdi.  Ijtimoiy-iqtisodiy  tuzum  muammolari  faqat  adolatli  hukmdor 
boshqarayotgan  va  qonun  ustuvor  bo‘Igan  mamlakatda  o ‘z  yechimini 
topishi mumkin.  Shunday qilib, Navoiy fikricha, adolat va qonun ijtimoiy 
taraqqiyotning  asosi  hisoblanadi.  Uning  konsepsiyasida hukmdor  shaxsi 
alohida  ahamiyat  kasb  etadi.  Fazilatli  va  ideal  shaxs  haqida  mulohaza 
yuritar  ekan,  Navoiy  o‘ziga  xos  insonparvarlik  nazariyasini  yaratdi.  Bu 
nazariyada  mutafakkir,  bir  tomondan,  hukmdor  va  bog'bonni,  boshqa 
tomondan,  davlat  va  bog'ni  bir-biriga  solishtiradi.  Unga  ko‘ra,  agar 
bog1 bon  aqlli  va  mehnatsevar  boMsa,  uning  bog‘i  gullab-yashnaydi. 
Xuddi  shu  tariqa  agar  mamlakatning  aqlli,  dono,  adolatli,  xalqi  uchun 
qayg‘uradigan  va  uni  sevadigan  hukmdori  boMsa,  u  rivojlanadi  va 
farovonlashadi.
Navoiy  nazariyotchi  va  amaliyotchi  sifatida  davlat  siyosatining 
adolatli  asoslari  va  uning  ma’naviy  mezonlarini  rivojlantirishga  katta 
hissa  qo'shdi.  Ayniqsa,  uning  adolatsizlik  va  zulm  davlatni  tanazzulga, 
jamiyatni  jaholatga  olib  kelishi  to‘g‘risidagi  qarashlari  g'oyatda 
ahamiyatlidir:  “...davlat  ishi  bilan  mashg'ul  bo'lgan  mansabdorlik 
chogMarimda  ko‘ngil  mulkini  turli  odamlaming  hujumi  bulg‘aladi.  Goh 
amirlik  o‘mida  o'tirdim  va  hukumat  mahkamasida  xalqning  arz-dodini 
so'rdim va goh podshoh  yonida vazirlik qildim  va menga umidvor nazar 
bilan  qarab  turgan  elga  m uruw at  ko‘rsatdim”,  deb  yozadi.  Adolatli 
jamiyat shakllanishining asosiy omili  sifatida Navoiy  insoniy fazilatlar -  
adolatlilik,  rahmdillik,  mehnatsevarlik,  rostgo'ylik,  vatanparvarlik, 
vijdonlilik, insonparvarlik va jasorat kabilami namuna sifatida keltiradi.
Antik davr va o'rta asr Sharq allomalarining fuqarolik jamiyatiga oid 
konseptual-nazariy  merosi  va  nazariy  ishlanmalari  hozirgi  davrga  qadar 
o‘z  ahamiyatini  yo‘qotmagan.  Ular  qoldirgan  ilmiy  meros  fuqarolik 
jamiyati  tamoyillarining  rivojlanishi,  insoniy  birlik  sifatida  jamiyat 
tarixiy taraqqiyotining muhim omillari  sifatida hozirg  fuqarolik jamiyati 
qurish g‘oyalarini to‘ldirmoqda.

---