Qora qalpoq indd

Ónim jetkerip beriw shártnaması. 
Ámeliyatta ónim 
jetkerip beriwshi kárxana tutınıwshı kárxana menen 
ónim jetkerip beriw boyınsha qarım-qatnaslar ornatadı. 
Bul qarım-qatnaslar ónim jetkerip beriw shártnaması 
arqalı rásmiylestiriledi. Demek, ónim jetkerip beriw 
shártnaması eki táreptiń kelisimi bolıp, oǵan muwapıq 
ónim jetkerip beriwshi kárxana kelisilgen ónimlerdi 
belgilengen múddetlerde tutınıwshı shólkemge múlk 
sıpatında yamasa ámeliy basqarıw ushın jetkerip beriw 

---

70
minnetlemesin aladı; tutınıwshı shólkem ónimdi qabıl 
etip alıw hám onıń qunın belgilengen bahalar boyınsha 
tólew minnetlemesin aladı.
Jetkerip beriwshi kárxana hám tutınıwshı shólkem 
xojalıq shártnamaların dúziwde Ministrler Keńesi 
tárepinen tastıyıqlanǵan tiyisli nızamlarǵa hám ámeldegi 
qaǵıydalarǵa boysınıwı kerek.
Jetkerip beriw shártnaması tómendegi zárúrli 
bólimlerdi óz ishine aladı:
1. Hújjet túri atı hám onıń qatar sanı.
2. Shártnama dúzilgen orın hám sáne.
3. Shártnama dúziwshi táreplerdiń atı.
4. Shártnamaǵa qol qoyıwshı shaxslardıń atı, ákesi-
niń atı hám familiyası; olardıń wákillikleri haqqında 
maǵlıwmat.
5. Jetkerip beriliwi zárúr bolǵan ónimniń anıq atı, 
muǵdarı, zárúr jaǵdaylarda olardıń túrleri.
6. Shártnamanıń ulıwma ámel etiw múddeti hám 
jetkerip beriwdiń anıq múddetleri.
7. Ónimniń sapası hám tolıqlıǵı.
8. Shártnama summası hám ónim bahası.
9. Ónimdi muǵdarlıq hám sapası jaǵınan qabıl etip 
alıw tártibi.
10. Ídıslarǵa hám ónimniń jaylasıwına talaplar.
11. Jetkerip beriletuǵın ónim ushın esap-sanaq tártibi.
12. Múlklik juwapkershilik.
13. Tárepler ortasındaǵı tartıslardı kórip shıǵıw ornı 
hám tártibi. 
14. Táreplerdiń huqıqıy mánzilleri (bunda kárxana-
lardıń túrli bank (mámleketlik, jeke) mákemelerindegi 
esap betleri kórsetiledi).
15. Shártnama dúzilgen táreplerdiń qoyǵan qolları 
hám mórleri.

---

71
Barlıq jetkerip beriw shártnamalarına jetkerip 
beriwshi hám tutınıwshı kárxanalardıń juwapker 
xızmetkerleri (materiallıq-texnikalıq támiynatı hám satıw 
bólimleriniń xızmetkerleri, bas yamasa úlken esapshılar, 
ádillik másláhátshileri) aldınnan ruqsat belgilerin qoyıwı 
kerek. Shártnama tiyisli túrde rásmiylestirilgennen keyin 
arnawlı dápterde dizimge alınadı.
Jetkerip beriw shártnamaları joybarı jetkerip beriwshi 
kárxana tárepinen eki nusqada dúziledi, qol qoyıladı hám 
kelisiw hám de qol qoyıw ushın tutınıwshı kárxanaǵa 
jiberiledi. Tutınıwshı kárxana shártnama joybarın 
alǵannan soń, on kún ishinde oǵan qol qoyıwı hám onıń 
bir nusqasın jetkerip beriwshi shólkemge qaytarıwı kerek. 
Jetkerip beriw shártnaması táreplerdiń ondaǵı hárbir 
bap, hárbir bánt boyınsha tolıq kelisiminen keyin ǵana 
dúzilgen dep esaplanadı. Kelisiw procesinde jetkerip 
beriwshi kárxana tárepinen usınıs etilgen shártnama 
boyınsha tutınıwshı kárxanada narazılıqlar payda bolsa, 
qarsılıq bayanlaması dúziliwi múmkin.